Général
-
Boniface VIII (1294-1303)
-
à renseigner
-
IIII kalendas februarii, pontificatus nostri anno quarto
-
-
Rome
-
n.c.
-
[Expédition] E. Barcelone, Arxiu de la Corona d’Aragó, Reial Cancelleria, Butlles, lligall 22, núm. 1. a Existeix fil de cànem. Butlla perduda.
-
[Registre de la chambre apostolique] R. CITÉ DU VATICAN, Archivio apostolico Vaticano, Registra Vaticana??, fol. ??.
-
Ici reprise de Tilmann Schmidt, Roser Sabanés i Fernández, Butllari de Catalunya : documents pontificis originals conservats als arxius de Catalunya (1198-1417), Barcelone : Fondació Noguera, 2016, 3 vol., I [en ligne], n. 592.
-
b THOMAS ; FAUCON, Registres de Boniface VIII, II, col. 7-9, doc. 2397. c Domínguez Sánchez, Documentos de Bonifacio VIII, p. 553-554, doc. 510. d MIQUEL ROSELL, Regesta, p. 159-160, doc. 298. e Schedario Baumgarten, II, p. 638, doc. 4632
-
Georges Digard, Maurice Faucon, Antoine Thomas, Robert Fawtier, Les registres de Boniface VIII. Recueil des bulles de ce pape, Paris : Albert Fontemoing (BÉFAR), 1884-1939, n. ??? [en ligne].
-
?
-
?
-
Potthast, Regesta pontificum Romanorum, n. ??? [en ligne].
-
?
-
Bonifaci VIII mana als bisbes de Barcelona (Bernat Pelegrí) i de Tortosa (Arnau Jardí) que entreguin al rei Jaume II d’Aragó, Sardenya i Còrsega els emoluments recaptats per l’absolució de les censures contretes pel comerç il·lícit amb els sarraïns d’Alexandria, com a subsidi de l’expedició què sortirà el pròxim estiu cap al regne de Sicília. [Schmidt et Sabanés i Fernandez].
-
Bonifatius episcopus servus servorum Dei, venerabilibus fratribus B(ernardo) Barchinonensi et A(rnaldo) Dertusiensi episcopis salutem et apostolicam benedictionem.
Dudum per nostras sub certa forma litteras vobis duximus inter cetera committendum, ut tam mares quam mulieres viventes necnon et heredes etiam defunctorum de regnis et terris carissimi in Christo filii nostri Iacobi Aragonum Sardinie et Corsice regis illustris, qui in Alexandriam accedentes ferrum lignamina et alia prohibita Sarracenis illarum partium detulerunt et alias habuerunt cum Sarracenis ipsis commertia seu consilium et auxilium impenderunt et quovis alio modo participaverunt eisdem, ab excommunicationum et quibuslibet aliis penis atque sententiis latis atque statutis contra tales per Sedem apostolicam et alias ab homine vel a iure, quas propter hoc eos incurrisse constaret, vos et unusquisque vestrum ea vice absolvere valeretis, iniuncta eis penitentia salutari, dummodo mares ipsi quintam, mulieres vero predicte quartam partem lucri quod ex huiusmodi rebus et comertiis ad ipsos pervenit vobis, partem ipsam recipientibus nomine nostro persolverent, in aliquos pios usus iuxta nostram dispositionem postmodum convertendam. Per alias quoque litteras nostras vobis iniuncximus ut cum prefatus rex armatam in estate tunc ventura, nunc preterita proximo in ecclesie Romene servitium foret domino auctore facturus, totam pecuniam quam vos et vestrum quemlibet contingeret ex premisse absolutionis causa recipere, ipsi regi armatam huiusmodi personaliter prosequenti vel eius certo procuratori seu nuntio ad hoc ab eo spetialiter constituto, pro expensis viagii quod facturus erat pro armata predicta curaretis integraliter assignare, sed quia postmodum idem rex ex certis ut asseritur impeditus obstaculis armatam ipsam non extitit effectualiter statuto tempore prosecutus, vos videntes negotium in defectu nichil ei vel alii pro ipso de dicta pecunia sicut accepimus persolvistis. Cum autem sicut nuper ex ipsius regis et carissimi in Christo filii nostri Caroli Sicilie regis illustris accepimus litteris, inter eosdem reges sit ipsius armate negotium pro instanti vere futuro resumptum, nos nolentes ut negotium ipsum sub nostra fidutia quomodolibet dissolvatur, sed cupientes ut votivum et celerem dante domino sortiatur effectum, fraternitati vestre per apostolica scripta mandamus, quatinus in executione commisse vobis absolutionis et receptionis pecunie procedentes predicte armate preterite non secute, lapsu temporis non obstante, totam pecuniam tam collectam quam colligendam que collecta fuerit eo tempore quo idem rex Aragonum in dicto futuro vere personaliter iter arripiet vel in procinctu fuerit efficaciter cum armata ipsa contra Sicilie insulam accedendi necnon et illam que colligetur postquam idem rex de partibus Aragonie et Cathalonie cum dicta armata discesserit contra eandem insulam processurus, nomine nostro et ecclesie Romene pro ipso dumtaxat negotio assignare curetis, recepturi ab eo nostro et eiusdem ecclesie nomine suffitientem et ydoneam recognitionem et cautionem suo sigillo munitam, per quam idem rex pro armata predicta pecuniam ipsam se recipere fateatur ac promittet quod armatam huiusmodi bona fide effectualiter prosequetur, secundum conventiones inter ipsum et dictum regem Sicilie super hoc nuper habitas et per nos auctoritate apostolica confirmatas, proviso quod de ipsa pecunia nichil assignetis eidem vel alii pro ipso, nisi cum eum videritis tempore dicti veris in procintu vasa intrandi marina et effectualiter absque dubitationis obstaculo, cum armata huiusmodi progrediendi contra rebelles et insulam memoratos.
Datum Rome apud Sanctum Petrum, IIII kalendas februarii, pontificatus nostri anno quarto. -
n. c.
Informations
Acte
Ponzio
Manon
(Université Lumière de Lyon), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 192951 (aposcripta-40691), http://telma.irht.cnrs.fr/chartes/aposcripta/notice/192951 (mise à jour : 21/06/2024).