Général
-
Martin IV (1281-1285)
-
Tous les maîtres et les écoliers de Paris
-
Nonas martii, anno tertio
-
-
Orvieto
-
Mandement (littere cum filo canapis)
-
[Expédition] E. FRANCE, Paris, Archives nationales de France, L 270/17 (olim 21). Original. Appendet sigillum plumbeum (au temps de Denifle et Châtelain), Bulla deperdita (Barbiche). Pertinebat olim ad Arch. Univers. — Apographum anni 1318 in Arch. Univers. Paris. theca IV. A. 18. a.
-
Ici reprise de Henri Denifle, Émile Châtelain, Chartularium Universitatis Parisiensis. I. Ab anno MCC usque ad annum MCCLXXXVI, Paris : Delalain, 1889, n. 512, p. 600 [en ligne].
-
?
-
Bernard Barbiche, Les actes pontificaux originaux des Archives Nationales de Paris, Cité du Vatican, 1975-1982, II, n. 1736, d’après E.
-
Martinus papa IV magistris et scholaribus Parisiensibus de expensis Universitatis.
-
Martinus episcopus, servus servorum Dei, dilectis filiis magistris universis et scolaribus Parisiensibus, salutem et apostolicam benedictionem.
Ad statum universitatis vestre pacificum conservandum opem debetis et operam vigilantibus studiis impertiri ; tunc enim laudabiliter studendo proficitis et proficiendo studetis cum inter vos invicem voluntatum viget idemptitas, regnat pax stabilis, perfecta caritas perseverat.
Sane, didicimus quod in expensis necessariis quas pro Universitatis vestre commodis ex justa et rationabili causa fieri contingit interdum, nonnulli ex vobis contribuere pro sua voluntate recusant, propter quod inter vos materia dissentionis et scandali crebrius suscitatur.
Quia igitur in expensis hujusmodi singuli vestrum contribuere justitia exigente tenentur, et ad vestram spectare dinoscitur honestatem, ut super hoc non ingeratur a vobis aliqua difficultas, universitatem vestram rogamus et hortamur attente per apostolica vobis scripta mandantes quatinus singuli vestrum, qui duos solidos parisienses in communi bursa cum sociis in ebdomada ponitis, super contributione hujusmodi facienda sic prompte ac liberaliter vos geratis ut dissentionis predicte materia, que posset non levia generare pericula, tollatur omnino vosque proinde possitis non immerito commendari.
Nos autem, qui paterne sollicitudinis studio ad ipsius Universitatis statum pacificum intendimus ac tranquillum, volentes hujusmodi dispendiis obviare, dilectis filiis .. abbati1 et .. cancellario2 monasterii Sancte Genovefe Parisiensis ad Romanam ecclesiam nullo medio pertinentis Ordinis sancti Augustini per alias nostras injungimus litteras3 ut omnes tales ex vobis ad id monitione premissa auctoritate nostra per censuram ecclesiasticam appellatione remota compellant.
Non obstante si aliquibus a sede apostolica sit indultum quod interdici, suspendi vel excommunicari non possint per litteras dicte sedis non facientes plenam et expressam de indulto hujusmodi mentionem. Ceterum illud quod ex hujusmodi contributione proveniet, per abbatem et cancellarium supradictos colligi volumus et collectum .. rectori Universitatis, decanis facultatum et procuratoribus quatuor nationum integre restitui per eosdem in ipsius Universitatis arca, per rectorem, decanos et procuratores predictos fideliter deponendum et convertendum per ipsos in solutionem hujusmodi expensarum.
Datum apud Urbem Veterem, nonas martii, pontificatus nostri anno tertio. -
1. Arnulpho.
-
2. In litteris Martini IV, id. Martii an. 1 (1282, Martii 15), nominatur fr. Gaufridus cancellarius S. Genovefae (Reg. Vat. Martini IV, n° 41, an. 1, ep. 127, fol. 39), qui verisimiliter adhuc an. 1284 officio cancellariae fungebatur.
-
3. Vide n° 513.
-
n. c.
Informations
Acte
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 164562 (aposcripta-16996), http://telma.irht.cnrs.fr/chartes/aposcripta/notice/164562 (mise à jour : 18/05/2022).