Général
-
Grégoire IX (1227-1241)
-
. . magistro hospitalis sancte Marie Teutonicorum
-
X kalendas octobris, anno nono
-
-
Asisii
-
Mandement (littere cum filo canapis)
-
[Registre de la chancellerie apostolique] R. CITÉ DU VATICAN, Archivio Segreto Vaticano, Registra Vaticana ... Greg. IX Reg. Vol. V, 73-74; Lib. IX, 239.
-
Ici reprise de Karl Rodenberg, Epistolae s. XIII e regestis pontificum romanorum selectae, I, Berlin : Weidmann (MGH), 1883, n. 657, p. 556 [en ligne], d'après R.
-
?
-
Potthast, Regesta pontificum Romanorum, n. 10021 [en ligne].
-
Gregorius IX papa [Hermanno] magistro Teutonicorum conqueritur, Petrum de Vinea et [Paganum] electum Pactensem nuntios imperatoris procurationem, quam de rebus Acconensibus facere velit, acceptare nolle; praeterea imperatorem sibi scripsisse, si negotium Lombardiae usque ad festum nativitatis completum non sit, se cum exercitu Lombardiam ingressurum esse. Rogat, ut eum inducat, ut sine conditione aliqua in manibus ecclesiae se ponat.
-
. . magistro hospitalis sancte Marie Teutonicorum.
Dilectus filius magister Petrus de Vinea imperialis aule iudex, litteris de credentia ex parte karissimi in Christo filii nostri Friderici Romanorum imperatoris etc. nobis et nostris fratribus presentatis, in nostra presentia de negotio proposuit transmarino; quo diligenter audito, licet a procuratoribus Acconensibus cautione recepta quod Acconenses nostris debeant parere mandatis, interdicti sententiam, per venerabilem fratrem nostrum . . archiepiscopum Ravennatem tunc apostolice sedis legatum in civitate Acconensi prolatam, ex eo potissime duxerimus relaxandam, quia exinde fidei detrimentum et Terre Sancte periculum poterat imminere, dictis procuratoribus, qui conpromittendi in nos habebant plenariam potestatem, se super eodem negotio precise in manu nostra ponere volentibus, sicut per apostolicas litteras, quas imperiali excellentie destinamus, poteris informari, talem poteramus ipsius expeditionem negotii procurare, quod ad votum et honorem imperatoris eiusdem sicut credimus redundasset. Set super hiis processus haberi non potuit, premissa dicto iudice acceptare nolente, pro eo quod super hoc prout asseruit mandatum a principe non habebat. Ipse etiam et dilectus filius . . electus Pactensis, eligentes potius in hac parte iamdicti principis expectare responsum quam aliquid eodem inconsulto gerere, noluerunt super hoc aliquid acceptare. Preterea ipso iudice proponente coram nobis, quod de voluntate dicti imperatoris existeret, ut ad ipsum certitudo de compromisso facto a Lombardis usque ad proximo futurum festum nativitatis Dominice perveniret, et summa viginti milium marcarum expressa in arbitrio augeretur, ac rectores et consilia civitatum societatis Lombardie, si contra ordinationem seu dispositionem nostram venire presumerent, ipso facto sententiam excommunicationis incurrant, nobisque disponentibus qualiter idem negotium posset salubriter terminari: rediens de Teutonia cursor noster nobis imperiales litteras presentavit, in quibus inter cetera, que de imperatoris eiusdem processu magnifico narrabantur, venit in medium, quod ipse de principum sollempni consilio super dicto negotio se in manibus ecclesie precise poneret, iuxta compromissi formam quam in Tuscia recepimus ab eodem, ita tamen quod ipsum negotium ad honorem suum et imperii commodum usque ad eiusdem nativitatis terminum compleretur; alioquin, quod ex tunc, ne sibi et principibus solita illusio fieret per Lombardos, vellet cum exercitu partes ingredi Lombardie.
Verum cum ex huiusmodi serie litterarum, a prefati verbo iudicis differente, ac ex eo, quod imperialis industria talem conditionem adiecit, per quam compromissum tollitur et aliquatenus tantum posse terminari negotium non videtur, videlicet ‘ita tamen quod ipsum negotium ad honorem suum et imperii commodum usque ad festum nativitatis Dominice compleatur’: discretionem tuam rogamus et hortamur attentius per apostolica scripta mandantes, quatinus prudenter advertens quod ad instantiam memorati principis et tuam de consilio fratrum nostrorum patriarcharum trium et prelatorum omnium, qui erant apud sedem apostolicam constituti, negotium Terre Sancte duximus assumendum, providentes ut orbis terre discordes ad treuguas vel concordiam cogerentur, et quod iam ad hoc aliqui ex magnis terre principibus sunt compulsi, quin immo quod reges aliqui, multi nobiles et potentes crucis signaculum per Christi gratiam receperunt, imperatorem eundem, quod super eodem negotio se iuxta memoratam formam precise ac sine conditione aliqua in manibus ponat ecclesie et se illis laboribus non involvat, a quibus de facili nequeat expediri, diligenter moneas et inducas; nuntiaturus eidem, quod si iamdicte provisionis tenorem quod absit infringens contra Lombardos, maxime si se precise in manibus ecclesie ponere sint parati, hoc potissimum tempore iuxta predictum consilium procedere moliretur, tantam exempli perniciem aliis tribuendo, unde presumi posset a pluribus, quod ceteros ecclesia fefellisset, id pati equanimiter eandem ecclesiam non deceret, presertim cum super negotio, in quo de tanta gloria Redemptoris agitur, acceptio personarum haberi non debeat, nec aliquid nos deceat perpeti, per quod processus eiusdem negotii possit aliquatenus impediri.
Dat. Asisii, X Kal. Octob. anno nono. -
(a) ?
-
(b) ?
-
(c) ?
-
(d) ?
-
(e) ?
-
(f) ?
-
1. ?
-
2. ?
-
3. ?
-
?
Informations
Acte
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 158562 (aposcripta-11002), http://telma.irht.cnrs.fr/chartes/aposcripta/notice/158562 (mise à jour : 15/06/2021).