Général
-
Alexandre III (1159-1181)
-
L'archevêque de Salzbourg Eberhard, l'évêque de Brixen Artmann, et les autres suffragants du diocèse de Slazbourg
-
IV kalendas junii
-
-
Tours
-
Lettre, général (avant 1198)
-
[Expédition] E. AUTRICHE, Vienne, k. k. Staatsarchive, Rep. XI. Perg., br. 0,225, lang 0,2–0,21, unten 0,02 umgeschlagen, durch zwei Löcher geht die Hanfschnur, woran das Bleisiegel hängt.
-
Ici reprise de Julius von Pflugk-Harttung, Acta pontificum Romanorum inedita. Urkunden der Päpste vom Jahre 748 bis zum Jahre 1197, II, Stuttgart : W. Kohlhammer, 1884 [en ligne], n. 417, p. 368.
-
Philippe Jaffé, Wilhelm Wattenbach, Samuel Loewenfeld, Ferdinand Kaltenbrunner, Paul Ewald, Regesta pontificum Romanorum ab condita ecclesia ad annum post Christum natum MCXCVIII, 2e éd. Leipzig, : Veit, 1885-1888, 2 vol., n. 10869 [en ligne].
-
Alexander III belobt die Bischöfe der Salzburger Provinz wegen ihrer Anhänglichkeit, theilt ihnen die Beschlüsse des Konzils von Tours mit, ermahnt sie, ihm treu zu bleiben, an den Erzbischof von Gran zu schreiben, sich dem Kaiser so viel wie möglich in seinem Zuge nach Ungarn zu widersetzen, und selber ein Gleiches zu thun1.
-
Alexander episcopus, servus servorum Dei, venerabilibus fratribus E[berhardo], Salzburgensi archiepiscopo2, et A[rtmanno]3, Brixinensi episcopo, et aliis Salzburgensis ecclesie suffraganeis episcopis salutem et apostolicam benedictionem.
Fervorem et constantiam vestre sincerissime puritatis, quam circa sacrosanctam Romanam ecclesiam et nos ipsos geritis, attendentes, fructum etiam, qui de fide ac devotione vestra nobis et universali ecclesie in huius perturbationis tempore provenisse dinoscitur, cogitantes, tanto libentius profectum et exaltationem ipsius ecclesie Dei ac nostram vestre fraternitati describimus, quanto vos exinde affectuosius exultare et nobis in domino congaudere sentimus.
Nosse itaque vestram volumus caritatem, quod nos et fratres nostri, Turonis per Dei graciam sani et incolumes commorantes4, illic advocationem nostram Gallicane et occidentalis ecclesie archiepiscopis, episcopis et abbatibus, cum celeberrima ecclesiasticarum personarum multitudine congregatis, ita magnificum et sollempne concilium, auxiliante domino, celebravimus5, ut nullus unquam predecessorum nostrorum a XL retro annis maius vel sollempnius, sicut antiquiores, qui consueverunt in ultramontanis partibus interesse conciliis, protestantur, celebrare se noscatur. In ipso autem concilio, promulgatis de more, que deo novimus placitura, decretis et ad totius christianitatis pacem pariter et augmentum pluribus constitutis, in illum heresiarcham Octavianum et alios iniquitatis sue complices de assensu et voluntate illius sacri concilii sententiam sollempnis excommunicationis pertulimus, universos penitus ab eius exsecrabilibus manibus execratos perpetue dampnationis animadversione plectentes. Unde fraternitatem vestram per apostolica scripta rogamus, monemus et exhortamur in domino, quatinus viriliter in domino confortemini et ad ampliandam ac protegendam catholicam unitatem prompta semper sollicitudine laboretis, firmam in deo spem fiduciamque tenentes, quod, qui ecclesiam suam sanctam in id glorie et exaltationis adduxit, optatam sibi pacem in proximo tribuet sibique post labores, angustias in salutaris quietis gaudium suavius respirare concedet. Ad hec, frater archiepiscope, quum, sicut accepimus, imperator in Ungariam pro discordia illa, que ibidem emersit, transire disposuit, fraternitatem tuam rogamus atque mandamus, quatinus venerabilem fratrem nostrum L(ucam), Strigoniensem archiepiscopum6, tuis super hoc litteris sollicitare non differas et super angustiis et pressuris suis consolationem ei facias, monens eum attentius et confortans, ut ad ipsius imperatoris transitum disturbandum studeat omnimodo et intendat. Tu quoque ipse ad disturbationem eius super hoc facto, quibuscunque modis poteris, elabores.
Datum Turoni, IIII kalendas iunii. -
1. Die Abschrift dieser Urkunde verdanke ich durch Vermittelung des Herrn Dr. G. Winter dem Herrn Aspiranten Josef Lampel. Meiller, Regesta Archiep. Salisburg. I, p. 105, Nr. 241.
-
2. Eberhard I, Erzbischof von Salzburg, 1147–1164.
-
3. Hartmann, Bischof von Brixen, c. 1140–1164.
-
4. Seit Mitte Mai.
-
5. Mai 19.Jaffé, Reg., 2e éd., vol. 2, p. 168 ; Mansi, Coll. Conc. XXI, p. 1176.
-
6. Lucas, Erzbischof von Gran, 1161–c. 1179.
Informations
Acte
Benjamin
Oury
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 143353 (aposcripta-5005), http://telma.irht.cnrs.fr/chartes/aposcripta/notice/143353 (mise à jour : 14/05/2022).