Général
-
Zacharie (741-752)
-
Pépin le Bref
-
secundo nonis novembris, imperante domno piissimo augusto Constantino a Deo coronato anno XIIII, indictione VI
-
-
n.c.
-
Lettre, général (avant 1198)
-
F. FRANCE, Paris, Archives nationales, K 4, n. 1/2.
-
Ici reprise de l'acte n. 4983 dans « Chartes originales antérieures à 1121 conservées en France », Cédric Giraud, Jean-Baptiste Renault et Benoît-Michel Tock, éds., Nancy : Centre de Médiévistique Jean Schneider ; éds électronique Orléans : Institut de Recherche et d'Histoire des Textes, 2010 (Telma) [en ligne].
-
Jules Tardif, Monuments historiques - Paris, 1866, (Archives de l'Empire. Inventaires et documents), p. 43-44, n. 52 [en ligne].
-
Rolf Grosse, Papsturkunden in Frankreich. Neue Folge, Bd 9 : Diözese Paris II, Abtei Saint-Denis, Vandenhoeck & Ruprecht, 1998, p. 61-64, n. 1.
-
Jaffé-Loewenfeld, Regesta pontificum Romanorum, 2 vol., Leipzig, 1885-1888, n. 2294 [en ligne].
-
Zacharie, pape, à la demande de Pépin le Bref, confirme les privilèges accordés à l'abbaye de Saint-Denis par Landri, évêque de Paris.
-
Zacharias, urbis Romanȩ episcopus, servus servorum Dei, domno excellentissimo Pipino, filio suo, regi.
Cum sanctam et apostolicam dignitatem petitionibus aequis assinsum deceat praestare, nullus, fili carissime, tuȩ celsitudini, quod concedendum fuerit, habet denegare, presertim cum tua petitio et ad nos obsecratio tota constet de statu et constitutionibus sanctȩ matris ecclesiȩ.
Constat enim tua dignissima postulatio ad nostram dilectionem, ut privilegium, quod domnus et venerabilis Landericus, Parisiacȩ urbis episcopus, monasterio Sancti Dionisii specialis, ut scripsisti, patroni tui, fecit et unacum consensu venerabilium illius patriȩ episcoporum rovoravit, in quo, secundum terminos [a dispositos, a sua et omnium suorum successorum, videlicet] Parisiacȩ urbis episcoporum, potestate, commanentes et ecclesiis ibi servientes presbiteros, diacones, clericos omnes absolvit, et pre reverentia sancti martiris Dionisii pariterque amore et petitione domni Chludovii regis, filii Dagoverti, atque pro quiete fratrum ividem Deo famulantium, ne a clericis infestarentur et ab oratione retardarentur, abbatis et monachorum ipsius monasterii et successorum eorum potestati et dispositioni subdidit, nos etiam nostro immo apostolico privilegio firmaremus et imperpetuum confirmatum manderemus; petisti etiam ut in eadem ȩcclesia, bis in anno, fratribus monachis, baptisterium consecrare et novos Deo regenerare filios permitteremus, quod liventer, [pro amore tanti] martiris simul et pro [tua benivo]lentia, annuimus in vigilia videlicet sancti Pascȩ et in Pentecostes.
Hoc autem omnino caveant ne aliquando, nisi in jamdictis festivitatibus, illud praesumant agere: quod si praesumpserint segulariter ab abbate, tempore illo existente, emendentur. Privilegium ergo, pro reverentia sanctissimi Dionisii et pro tua petitione, illi ȩcclesiȩ facientes, auctoritate Dei Patris omnipotentis et Filii et Spiritus Sancti, cum invocatione cȩlestium virtutum et beati Petri apostoli et omnium sanctorum, Dei auctoritate et nostra, statuimus atque rovoramus ut et privilegium domni Landerici, [Parisiacae urbis episcopi, et nostra constitutio inconvulsa permaneat, et ne quis futurorum, magna parvave persona, hoc infringere praesumat, interdicimus. Promulgantes etiam sancimus ne quis Parisiacae urbis episcoporum, jamdicti monasterii monachos, pro his omnibus quae praedicta sunt, quoquomodo interpellare audeat vel ad concilium provocare praesumat.
Si quis autem contra hoc vel illud aliquid presumpserit, anathema sit: et non resipuerit, perpetualiter apostolicae dignitatis reus teneatur; conservatores vero pace potiantur aeterna. Valete.
Scriptum per manus Johannis scrinarii et cancellarii Lateranensis palatii, anno octavo domini nostri Zachariae.
Datum secundo nonis novembris, imperante domno piissimo augus]to Constantino [a Deo coronato] anno XIIII, indictione VI. -
Hartmut Atsma, Jean Vézin, Les faux sur papyrus de l'abbaye de Saint-Denis, in Jean Kerhervé, Albert Rigaudière (éd.), Finances, pouvoirs et mémoire. Mélanges offerts à Jean Favier, Paris, 1999, p. 674-699.
-
pseudo-original
Informations
Acte
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 79826 (aposcripta-4595), http://telma.irht.cnrs.fr/chartes/aposcripta/notice/79826 (mise à jour : 02/02/2021).