« Lettre de Marguerite de Provence à Édouard Ier (octobre 1281) au sujet de Jean De Grailly et des différends entre son oncle Philippe Ier de Savoie et Rodolphe de Habsbourg »

Général

texte

Trés chiers niés, nous nos louons à Dieu et a vos et a touz noz amis du bon lue que mesires Jahans de Greilli nos a tenu a Mascon en ceste besoigne. Si vos prions que vos le nos voelliez ranvoier pour nos aider an nostre besoigne. Car il est mout amez et creuz ou païs. Biaus niés, li rois d’Alemaigne s’enforce mout de grever le conte de Savoie, nostre oncle, come cil qui li fet arder se terre et prendre ses homes. Si vos prions que vos vos voeilliez trevallier come pais ou bone triève fust entre aus, et que vos delaissez, se il vos plaiset, que li mariages du fil du roi d’Alemaigne et de vostre fille ne se acomplist jusque tant que pais fust fete ou triève prise antr’aus. Nos vos faisons assavoir que nos estions saines de cors, Dié merci, quant ces letres furent fetes. Ce que nos desirrons tousjors savoir de vos. Si vos prions que vos nos faciez assavoir vostre estat toutes les foiz que vos serez aaisié.

Bibliographie

Audrey Duchatel, Marguerite de Provence, recherches sur l'impact de l'héritage catalano-provençal dans le rôle et la perception d'une reine de France au XIIIe siècle, Université Nice Côte d'Azur, 2023.

J. J. Champollion-Figeac, Des lettres des rois, reines et autres personnages des cours de France et d’Angleterre, t. I, pièce n° CLXIII, p.209.

Type

Acte

Publié par

Audrey Duchatel (Université de Nice), dans Actes des femmes de pouvoir

Crédits

label.quote.actes-des-femmes-de-pouvoir

Permalien

Identifiant

Exporter

XML JSON