Assisia 40 l.t. pro conestabulario Francie.

Lud. Dei gratia Francorum et Navarre rex. Notum facimus universis tam presentibus quam futuris quod nos, penssata utilitate nostra, dilecto et fideli nostro Galchero de Castellione, comiti Porciani et constabulario Francie causa permutationis seu excambii pro duabus partibus emendarum et explectorum tocius foreste de Voixi et pertinenciarum ejusdem, ac pro duabus partibus quarumlibet espavarum inter riparias de Maternas [sic], de Morein et inter platellos subtus Virtutum, que ad dictum constabularium hereditarie seu quacumque de causa spectabant et quas nobis et successoribus nostris racione permutacionis hujusmodi cessit et perpetuo dimisit eidem constabulario 40 libratas terre ad turonensis assedimus et assignavimus, facta prius super hoc et valore oarumdem de mandato nostro diligenter inquesta et nobis relata, in locis et rebus inferius annotatis, videlicet homines et feminas de corpore et feminas dictas saintiex villarum Sancti Juliani de Pierri, de Alnetis et pertinentiarum earumdem quorum nomina subsecuntur videlicet :

Exceptis hominibus Sancti Martini de Spernaco, quorum taillia in universo 28 l.tur. annis singulis extimatur.

Item vinagia et censivas appfeciatas ad 10 s. per annum.

Item emendas sinplicis justicie, forismaritagia, appreciata per annum ad 4 l.

Item apud Bussellum 30 sext. avene ad mensuram Trecensem, appreciatum quodlibet sext. ad 5 sol., valent 7 l. 10 s. secundum extimationem predictam.

Que omnia et singula sibi sicut premittitur assignata per modum permutationis predicte sibi garentizare tenemur bona fide nos et nostros successores quoad hec specialiter obligando. Quod ut ratum etc. Actum apud Vicenas anno Domini millesimo CCC^o quartodecimo, mense decembris.