Description
-
Nicolas IV (1288-1292)
-
Ut ter in anno quæcunque Monasteria ingredi valeat cum honestis matronis, aliisque conditionibus. ex Vat. Reg. Pontif. epist. 341. n. 1. anni 3.
-
Anno 1290. die 5. Augusti.
-
1290
-
NICOLAUS &c.
Dilectæ in Christo filiæ Nobili mulieri Blancæa natæ claræ memoriæ Ludovicib Regis Francorum Sal. & Apost. Ben.
In gratia, de qua condigna possit tuo cordi lætitia provenire, tuis desideriis libenter occurrimus cum benigni exhibitione favoris. Hinc est, quòd Nos devotionis tuæ precibus annuentes tibi auctoritate præsentium indulgemus, ut Cistercien. S. Claræ, aliorumque Ordinum Monasteria, ad quæ te contigerit pervenire, cum octo honestis Matronis, & in habitu condecenti devotionis causâ ter in anno ingredi valeas, dummodo tu, & eædem Matronæ in Monasteriis ipsis nequaquam edatis, vel aliquatenus pernoctetis. Non obstantibus contrariis eorumdem Ordinum consuetudinibus, vel statutis confirmatione Sedis Apostolicæ, vel alia quavis firmitate vallatis. Nulli ergo omnino hominum liceat hanc paginam nostræ concessionis infringere &c. præsentibus post quinquennium minime valituris. Datum apud Urbem veterem Nonis Augusti, Pontificatus nostri Anno Tertio.
-
Bullarium Franciscanum romanorum pontificum, tomus IV, n°CCXCV., p.167
-
(a) Blancæ: Ferdinandi primogeniti Hispaniarum Regis postmodum viduæ relictæ ex Raynaldo, & Spondano ad annum 1286.
-
(b) Ludovici: hujus nominis IX. in Sanctorum fastis postea relati.