Description
-
Martin IV (1281-1285)
-
Mandat inquiri contra quosdam Clericos Castri Zangati in Pontificem, & Rom. Ecclesiam obloquutos. (Ex Vatic. Reges. Pontif. epist. 227. tom. 2. ann. 3.)
-
Anno 1284. die 18. Martii.
-
1284
-
MARTINUS &c.
Dilecto Filio Magistro Andrea Spiliatia Cappellano Nostro, Campaniæ, Maritimæque Rectorib Sal., & Apost. Benedictionem.
Pridem, sicut ex serie litterarum Nobis transmissarum a dilecto Filio Nobili Viro Johanne de Epac Capitaneo Exercitus Romanæ Ecclesiæ in Campania, & Maritimad generali accepimus; eo ad depopulationem terrarum, & bonorum Adinulphi Mathiæ de Anagnia tunc rebellis Nostri, & Romanæ Ecclesiæ procedentee; dum contra homines Castri Zangatif, ubi dictus Adinulphus certam portionem Dominii Vassallorum, & Proventuum ipsius Castri habere dicitur, hostiliter impugnaret; Clerici Ecclesiæ Sancti Johannis sitæ prope ipsum Castrum Prænestinæ Diœcesis; ubi tunc quidam Fratres Minoresg Vicarii, ut credebat, Venerabilis Fratris Nostri…h Episcopi Prænestini dicebantur morari; contra Nostrum & Ecclesiæ Romanæ honorem in nonnulla ignominiosa, & detestabilia verba dicuntur præsumptione damnabili prorupisse; propter quod dictus Episcopus de mandato Nostro præfatum suum Vicarium, & nonnullos Clericos ejusdem Ecclesiæ fecit coram Nostro conspectu comparere; qui licèt juraverint Nostris stare mandatis, & super præmissis plenam dicere veritatem; quia tamen per depositiones eorum, quos per dilectum Filium B.i Camerarium Nostrum examinari fecimus, per easdem depositiones, quas tibi sub suo sigillo transmittit inclusas, Nobis ad plenum liquére non potuit de præmissis; Volumus, & præsentium tibi tenore mandamus, quatenus super iis, & aliis hujusmodi negotium contingentibus, de quibus videris expedire, secundum formam examinationis transmissæ tibi per eumdem Camerarium, inquiras per te, vel per alium diligenter, & sollicitè veritatem; & quidquid inde inveneris, Nobis per tuas litteras harum seriem continentes studeas fideliter intimare; ut exindè pleniùs informati possimus circa præmissa procedere, seu præcipere, prout viderimus expedire.
Datum apud Urbemveterem xv. Kalendas Aprilis, Pontificatus Nostri Anno Tertio.
-
Bullarium Franciscanum romanorum pontificum, tomus III, n°LXII., p.518
-
(a) Andreæ Spiliati: Ad quem est 18. epistola hujus Pontificis Inter alias Provincias &c.
-
(b) Rectori: Anno 1282. die 27. Januarii constituto ex cit. 18. epist.
-
(c) Jo. de Epa: Gallo natione, de quo dixi ad epistolam 2. hujus Pontificis (b) Cum in Provincia &c.
-
(d) Maritima: Anno 1281. & 1282. Rector erat Provinciæ Flaminiæ ex cit. 2. epistola (b), nunc autem Campaniæ & Maritimæ, Flaminiæ vero ei successorem datum scimus Guidonem de Montforti anno 1283. ex Raynaldo num. 48.
-
(e) Procedente: Raynaldus ad ann. 1283. n. 48. ex Vatic. Reges. tradit, ab eo pacatam Campaniam, atque Adinulphum ad Frusinonem Ecclesiæ restituendum adactum.
-
(f) Zangati: Al. Zancati ad flumen Saccum inter Palianum ad Orientem, & Valmontonis ad Occasum positi, ubi miraculum patrasse S. P. Franciscum refert Waddingus ad ann. 1228. n. 58., & dicit Zachantum.
-
(g) Fratres Minores: Hic aliqua desunt, cum sensus sit abruptus; v. g. familiares, vel pro negotiis.
-
(h) Fratris Nostri …: Hieronymi Alculani ex Ord. Min., qui postea fuit Nicolaus IV.
-
(i) B.: Bernardum ex aliis Pontificiis epistolis.