Description
-
Jean XXII (1316-1334)
-
L'évêque d'Angers
-
Le vicomte de Donges Thibaud de Rochefort
-
Les frères carmes de Nantes
-
VIII idus novembris, anno tertiodecimo
-
-
Avignon
-
Mandement (littere cum filo canapis)
-
[Registre de la chancellerie apostolique] R. CITÉ DU VATICAN, Archivio apostolico Vaticano, Registra Vaticana 89, ep. com. 308.
-
Ici reprise de Guillaume Mollat, « Études et documents sur l'histoire de Bretagne, XIIIe-XVIe siècle (suite) », Annales de Bretagne et des pays de l'Ouest, 23-3, 1907, p. 389-411, aux p. 408-409 [en ligne].
-
Jean XXII demande à l'évêque d'Angers de confirmer la fondation d'un couvent de Carmes à Nantes instituée par Thibaud de Rochefort, vicomte de Donges. Il déclare également que ceux-ci n'ont pas encouru l'excommunication prononcée contre eux par l'évêque de Nantes.
-
Venerabili fratri .. episcopo Andegavensi, salutem.
Petitio dilecti filii nobilis viri Theobaldi de Rupeforti, vicecomitis Dongiarum, Nannetensis diocesis, nobis exhibita continebat quod olim ipse dilectis filiis .. priori generali et fratribus, ordinis Beate Marie de Monte Carmeli habentibus recipiendi unum locum de novo in Provincia Turonensi, qualibet constitutione in contrarium edita non obstante, a Sede apostolica licentiam specialem, propter magnam devotionem quam ad eosdem fratres gerebat et gerit, quemdam locum suum proprium, quem in civitate Nannetensi provincie supradicte habebat, contulit pro oratorio, officinis et aliis eis necessariis inibi construendis, in quo quidem loco a predictis fratribus ignorantibus tamen dictum locum esse infra cannarum spatium contentum in privilegiis fratribus ordinis Minorum a Sede apostolica concessis, de licentia predicta recepto, ipsi fratres aliquamdiu divina officia celebrarunt.
Postmodum vero dilectis filiis fratribus ordinis Minorum Nannetensibus asserentibus quod dictus locus juxta locum ipsorum fratrum Minorum infra hujusmodi cannarum spatium situatus existebat predicti fratres de Monte Carmeli, cum de hoc certi essent effecti, locum ipsum taliter receptum ab ipsis totaliter dimiserunt, ac deinde prefatus Theobaldus quemdam alium locum suum in eadem civitate extra spatium cannarum hujusmodi et aliorum quorumcumque religiosorum mendicantium positum predictis fratribus de Monte Carmeli illum recipientibus noscitur tradidisse, in quo predicti fratres extunc divina officia celebrarunt.
Verum, quia loci diocesanus asserit prefatos fratres de Monte Carmeli predictum secundum locum non potuisse recipere pro eo quod de predicto primo loco ad cumdem secundum locum eos translatos esse pretendit nec posse in eo divina hujusmodi celebrare et propterea ipsos excommunicatos existere, prefatus vicecomes nobis humiliter supplicavit ut hujusmodi traditionem per ipsum eisdem fratribus de Monte Carmeli ac receptionem ab eis factam de predicto secundo loco dignaremur auctoritate apostolica ex certa scientia confirmare, ac declarare ipsos fratres de Monte Garmeli propter hoc excommunicationem aliquam minime incurrisse.
Quia vero nobis non constitit de premissis, fraternitati tue presentium tenore committimus et mandamus quatinus, si aliud canonicum non obsistat, hujusmodi traditionem per dictum vicecomitem eisdem fratribus de Monte Carmeli ac receptionem ab eis factam de predicto secundo loco apostolica auctoritate confirmes ac declares ipsos fratres de Monte Carmeli propter hujusmodi receptionem dicti secundi loci ac celebrationem divinorum ab eis factam in eo excommunicationem aliquam minime incurrisse.
Datum Avenione, VIII idus novembris, anno tertiodecimo.
Informations
Document
Clara
Lenne
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27261 (aposcripta-4027), http://telma.irht.cnrs.fr/chartes/en/aposcripta/notice/27261 (mise à jour : 08/04/2024).