Description
-
Clément VI (1342-1352)
-
Pour mémoire perpétuelle
-
X kalendas iulii, anno septimo
-
-
Avignon
-
Titre, général (littere gratiose, cum filo serico)
-
[Registre de la chancellerie apostolique] Reg. Aven., t. c, fol. 58 v°.
-
Ici reprise de Jean-Marie Vidal, Bullaire de l’Inquisition française au XIVe siècle et jusqu'à la fin du Grand Schisme, Paris : Letouzey et Ané, 1913, n. 206, p. 316-320.
-
Le pape ratifie et confirme les conventions stipulées à l’amiable, par les soins du cardinal Étienne Aubert, entre Aymon de Caumont, inquisiteur de Carcassonne, les conseillers, officiers et notaires de l’Inquisition d’une part, et les consuls de Carcassonne, de l’autre, à l’endroit des tailles, gabelles et autres taxes. Il est convenu que l’exemption invoquée en faveur des subalternes du tribunal n’existera désormais que pour trois conseillers, officiers, ou jurés, et un seul notaire, désignés par l’inquisiteur et ses successeurs. Cette exemption ne s’étendra pas aux règlements de police et aux pénalités édictés par les consuls pour le bien de la communauté. Les censures portées par l’inquisiteur seront révoquées et les gages rendus1.
-
Ad perpetuam rei memoriam.
Ea que iudicio...
Dudum siquidem inter dilectos filios Aymonem de Calvomonte, ordinis fratrum predicatorum, inquisitorem heretice pravitatis in regno Francie per Sedem apostolicam deputatum, Carcassone communiter residentem, et magistrum Bernardum Fontisgrive, legum doctorem, consiliarium, et quondam Bernardi Taurelli licenciati in legibus ac quondam Philippi Philippi, iurisperiti, ac quondam Raymundi Folcaudi, consiliariorum ac iuratorum officii Inquisitionis predicte, heredes et nonnullos alios asserentes se consiliarios, notarios et iuratos eiusdem officii ex una parte, ac Bernardum Mercerii, Guillermum de Frezinchis, Petrum Peyrerii, Paulum Terreni, Berengarium Montanerii, et Raymundum Rotgerii, consules burgi Carcassonen., pro se et nomine universitatis dicti burgi, super eo quod predicti consules suo et dictorum universitatis nomine certas tallias et impositiones urgentibus necessitatibus et negotiis universitatis dicti burgi, tam iure proprio quam alias ex concessione regia ut dicebant, imposuerant et impositas a dictis consiliariis, notariis et iuratis, quemadmodum et ab aliis incolis dicti burgi exigebant et solvi petebant, et ab ipsis consiliariis, notariis, iuratis dicte Inquisitionis existentibus tunc in mora huiusmodi tallias et impositiones exolvendi propter hoc certa pignora receperant seu recipi fecerant ; inquisitor vero predictus nonnulla privilegia tam a Sede apostolica quam a carissimo in Christo filio nostro .. rege Francie illustri inquisitori ac consiliariis, notariis et iuratis eiusdem Inquisitionis officii, ut asserebat, concessa se habere et illorum vigore consiliarios, notarios, iuratos dicti officii Inquisitionis fuisse liberos et immunes a solutione talliarum et impositionum huiusmodi impositarum et imponendarum, et in possessione seu quasi libertatis et immunitatis huiusmodi fuisse et esse dicebat, ex altera, materia questionis exorta. Tandem, quia prefatus inquisitor auctoritate apostolica qua in ea parte fungere se asserebat prenominatos consules monuerat ut huiusmodi pignora recepta restituerent eis a quibus illa receperant ; et nichilominus eosdem consules, quia monitioni huiusmodi non paruerant, nominatim quantum in eo fuit interdixit et excommunicavit, et sententiam excommunicationis huiusmodi contra eos et nonnullos participantes eisdem nominatim etiam aggravavit, pro parte dictorum consulum suo et dicto universitatis nomine ad Sedem predictam extitit appellatum. Huiusmodi namque appellationis et processus negocio pro parte dictorum consulum et universitatis proposito in consistorio coram nobis altera parte presente, nos volentes earumdem partium parcere laboribus et expensis et affectantes quod huiusmodi suborta dissensio sublatis litigiorum anfractibus terminaretur amicabiliter, inter partes easdem ordinavimus quod predictis pignoribus eis a quibus recepta fuerant sub recredentia restitutis huiusmodi processus dicti inquisitoris ac pene et sententie contente in illis usque ad unum mensem a tunc instanti festo Resurrectionis Dominice computandum suspenderentur, mandari facientes utrique partium predictarum quod infra octabas predicti festi per se vel procuratores eorum legitimos cum pleno et sufficienti mandato ad concordiam huiusmodi faciendam et cum omnibus actis, iuribus et munimentis quibus vellent in huiusmodi causa uti, coram nobis comparere curarent. Factis itaque post modum in partibus illis iuxta ordinationem nostram predictam restitutione pignorum ac suspensione processuum, penarum et sententiarum predictorum et subsequenter comparentibus personaliter in romana Curia inquisitore pro se et dictorum consiliariorum, notariorum et iuratorum ac heredum nomine, necnon Paulo Terreni, et Guillermo de Frezinchis, consulibus antedictis, pro se et aliis consulibus et universitate predictis, nos etiam ad supplicationem partium predictarum dilecto filio nostro Stephano2, tituli sanctorum Johannis et Pauli presbitero cardinali, commisimus et mandavimus oraculo vive vocis ut partes ipsas super premissis per viam amicabilem exquisitam ad pacem et concordiam reducere procuraret. Coram quo quidem cardinali prefatis inquisitore ac Paulo et Guillermo consulibus pro se et nominibus supradictis cum sufficientibus mandatis personaliter comparentibus, et per eundem cardinalem cum eisdem partibus super pace et concordia huiusmodi faciendis inter eos diversis tractatibus habitis, tandem partes ipse volentes pacem liti preferre spontanea voluntate eodem cardinali tractante amicabiliter pro bono pacis et concordie componendo ad invicem convenerunt, videlicet quod inquisitor predictus et eius in dicto Inquisitionis officio successores possent tres personas de consiliariis, officialibus et iuratis dicti officii Inquisitionis et etiam unum notarium deservientem officio Inquisitionis predicte, quos maluerint et elegerint, solum et duntaxat reddere quictos, liberos et immunes a talliis, questis, gabellis et aliis impositionibus quibuscumque factis et faciendis indictis et indicendis per consules predictos, qui tunc erant et alios qui pro tempore essent burgi predicti, solum et duntaxat pro futuris temporibus ; ita videlicet quod ultra predictum numerum dicti inquisitor et successores nullum alium consiliarium vel notarium possent immunes reddere a premissis, sed predicto duntaxat numero essent contenti ; possent tamen dicti inquisitor et successores illos dimittere et mutare prout et quotiens eis placeret ; sic tamen quod si exemptos per unum inquisitorem successor ipsius vellet exemptos esse illi predicta exemptione gauderent sicut prius ; sed si alios vellet eximere, predicti presens exempti extunc omnino cessarent ab exemptione predicta ; ceteri vero consiliarii et iurati dicti officii Inquisitionis, cuiuscumque conditionis existerent, qui tunc erant et pro tempore forent habitatores et incole dicti burgi, preterquam duntaxat predicti tres auxiliarii et unus notarius non essent exempti occasione seu pretextu officii supradicti a talliis, gabellis et impositionibus quibuscumque per dictos consules indictis, et tam per eos quam per eorum successores pro tempore in posterum indicendis, immo compelli possent ad solvendum huiusmodi gabellas, tallias et impositiones sicut ceteri habitatores et incole burgi predicti, nisi alias per privilegia vel de iure seu de consuetudine forent exempti, seu immunes contemplatione personarum suarum aut alias, non pretextu officii supradicti. Fuit etiam concorditer ordinatum quod dicti tres consiliarii et unus notarius per dictum inquisitorem et alios qui pro tempore forent eximendi, non essent exempti occasione predicta observatione statutorum honestorum et rationabilium penas infligentium non observantibus ea, editorum et edendorum per consules prefatos pro utilitate incolarum et habitatorum dicti burgi ; quin sicut ceteri incole et sub penis in eisdem contentis ad eorum observantiam tenerentur. Actum fuit etiam inter dictas partes quod omnes processus et sententie excomunicationum facti et late per dictum inquisitorem seu eius locumtenentem contra consules predictos et eis participantes, necnon appellationes dictorum consulum et omnis eorundem processuum, sententiarum et appellationum effectus, et quecumque inde secuta, si et quatinus de iure tenerent, essent cassa et irrita et nullam deinceps optinerent (sic) firmitatem, et pro non factis et habitis ac interpositis penitus haberentur ; prefati quoque consules una cum eorum participantibus, si et quatinus indigebant, sive simpliciter, sive ad cautelam per nos absolverentur a sententiis et processibus supradictis. Quam quidem amicabilem compositionem prefati inquisitor et consules presentes et eorum quilibet pro se et nominibus supradictis prout quemlibet eorum tangebat laudaverunt, approbaverunt, ratificaverunt et omologaverunt expresse ac ratam, gratam et acceptam in omnibus et per omnia habuerunt, prout in patentibus litteris inde confectis ejusdem cardinalis sigillo munitis plenius continetur. Nos itaque, eorumdem inquisitoris ac consulum et universitatis supplicationibus inclinati compositionem huiusmodi provide factam ratam habentes et gratam, ipsam auctoritate apostolica ex certa scientia confirmamus et presentis scripti patrocinio communimus3.
Nulli ergo etc., nostre confirmationis et communitionis infringere etc.
Datum Avinioni, X kalendas iulii, anno septimo. -
1. Voir la bulle précédente.
-
2. Étienne Aubert, chanoine de Paris, docteur ès lois, évêque de Noyon, le 23 janvier 1338 ; transféré à Clermont, en 1340 ; promu au cardinalat (titre des Saints-Jean-et-Paul), le 20 septembre 1342 ; évêque d’Ostie, le 13 février 1352 ; pape, sous le nom d’Innocent VI, le 18 décembre 1352 ; mort le 12 septembre 1362. Baluze, Vitæ, t. i, col. 321-362, 918-794 ; Ciacconius, t. ii, col. 495 ; Gall. christ., t. ii, col. 287 ; t. ix, col. 1015 ; Eubel, Hier., t. i, p. 17, 199, 390.
-
3. Le différend se rouvrit quelques années plus tard. Les consuls carcassonnais prétendirent que, si les trois conseillers et le notaire de l’Inquisition étaient exempts de tailles, gabelles et autres taxes municipales, ils ne l’étaient nullement des droits de fouage et des autres charges imposées par le roi de France. L’inquisiteur Durand Salvan en référa au pape Grégoire XI, qui confia au cardinal Bernard du Bosquet le soin d’amener les parties à composition ou bien d’instruire le procès, s’il y avait lieu. Le cardinal mourut avant d’avoir fait ratifier l’accord verbal que les procureurs des parties avaient conclu, sans pouvoir, faute de mandat, le consigner par écrit. L’inquisiteur n’en avait pas moins fulminé l’excommunication contre ses adversaires. Ce fut le cardinal Guillaume d’Aigrefeuille qui termina le litige, en décidant que, l’exemption fiscale restant entière en ce qui concernait les tailles, subsides, impôts décrétés par les consuls et le roi de France, les quatre privilégiés de l’Inquisition seraient tenus de contribuer aux dépens nécessités par la construction et l’entretien des murs de la ville (18 mai 1372). Doat, t. xxxv, fol. 136 v°-161.
Informations
Document
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 20383 (aposcripta-370), http://telma.irht.cnrs.fr/chartes/en/aposcripta/notice/20383 (mise à jour : 17/05/2024).