« actes-philippe3-93 »

Pro burgensibus Panpilone super debitis que homines de Navarreria debent.

<Philippus>, Dei gratia Francie rex, gubernatori regni Navarre, salutem. Dicunt burgenses Panpilone quod debita, que sibi debentur a bannitis quorum bona sunt confiscata, de bonis ipsorum bannitorum confiscatis sunt sibi restituenda secundum foros et consuetudines regni Navarre. Volumus et mandamus vobis quatinus faciatis eis, quod ordo exigit rationis, proviso, si hujusmodi consuetudo locum habeat in isto articulo ubi propter proditionem bona confiscantur. Preterea significaverunt nobis quod quidem malefactores mercatores Pampilone bonis suis et mercaturis indebite spoliarunt, quorum malefactorum bona ad manum nostram tenetis et summam spoliacionis excedunt, mandamus vobis quatinus ipsos mercatores audiatis et faciatis eis secundum foros et consuetudines Navarre, quod justitia suadebit, precipientes vobis quatinus in pratis et boscis sibi concessis nulum prestetis impedimentum indebitum [sed], eos in jure suo manuteneatis. Datum apud Sanctum Germanum in Laya die veneris post octabas beatorum apostolorum Petri et Pauli.