« actes-philippe3-143 »

Pro requisicione comitis Campanie et ejus uxoris.

<Philippus>, Dei gratia Francie rex, dilecto et fideli suo gubernatori Navarre, salutem et dilectionem. Cum ad requisitionem dilecti et fidelis consanguinei nostri, comitis Campanie, et ejus uxoris, vobis mandavissemus, quod eisdem bona quedam mobilia a predicta uxore dicti comitis in Navarra post recessum ejusdem exinde dimissa, ut dicebant, redderetis et deliberaretis eisdem, si de consuetudine terre deliberari deberent, vosque nobis rescripseritis quod dicta bona mobilia de consuetudine terre Navarre ad nos deberent devenire pro custodia et tuicione ejusdem regni, dictique comes et ejus uxor postmodum nobis dederint intelligi, quod rex Th Theobaldus , in ultima voluntate sua seu in testamento suo, voluerat et preceperat predicta bona mobilia, que restabant in Navarra, traderentur ad executionem testamenti ipsius complendam, ita quod si non suficerent ad hoc, residuum quod deficeret solveretur de bonis Campanie ; mandamus uobis quatinus, si secundum consuetudinem patrie hoc facere debueritis, predicta bona mobilia in hanc causam de vestra scientia commitenda deliberetis eidem. Datum Parisius, die veneris post conversionem Sancti Pauli.