« actes_ducs_capetiens_bourgogne-21 »

Description

__type.texte

Eudes, duc de Bourgoigne, conte d'Artois et de Bourgoigne et sires de Salins, à nostre receveur d'Artois ou à son lieutenant, salut. Come pour lez bons et aggreablez services que nous a fait nostre amé clerc Pierre Blanot fait et esperons qu'il face pour le temps avenir, nous aions donné et par ces presentes donnons et ottroions de nostre grace especial à ses enfanz pour soustenir leur vie honorablement et que il n'aient deffaut en l'absence de leur dit pere vint livres une foiz tant seulement. Nous vous mandons que de l'argent de nostre recepte, sanz difficulté et sanz attendre autre mandement de nous, vous delivrez ou faites delivrer aux diz enfanz les dites vint livres, la quel some de vint liovres nous voulonz estre aloee et deduite en voz comptes en rapportant ces presentes lettres avec lettre de recognoissance dez diz enfanz et de Jehan Polier, leur tuteur ou curateur de leur bienz. Et en tesmoing de ce, nous avons fait mettre nostre petit seel en l'absence du grant en ces presentes lettres. Donné aux tentes devant Aguillon, le XIIIIe jour de juing l'an de grace mil trois cenz quarante et six.

Type

Document

Author

David Bardey (Université de Bourgogne), dans Actes (ducs cap. de Bourgogne)

Quote this record

label.quote.actes-ducs-capetiens-bourgogne

URL

Identifier

Exporter

XML JSON