« actes_ducs_capetiens_bourgogne-18 »
Document | actes-ducs-capetiens-bourgogne/notice/192555
Description
-
Robert II
-
Gauthier dit Pauvre homme
-
Notification
Description de l'acte
-
1274/10
-
Non indiqué
-
202
-
305
-
parchemin
Identification du témoin
-
A. Original, ADCO, B 1044.
FranceDijonArchives départementales de la Côte-d'OrB 1044Original
Sceau
-
oui
Robert II, duc de BourgogneScellé en cire brune sur double queue de parchemin.
Analyses
-
Robert II, duc de Bourgogne, notifie que Jean, seigneur de Duesme, a reçu 1 200 livres tournois de Gauthier dit Pauvre homme, chevalier, en raison du mariage entre Jean et Alix, fille dudit Gauthier. En contrepartie Jean doit asseoir 160 livres de terre pour Gauthier et ses héritiers, au nom de ladite Alix, à Villars (Villars-et-Villenotte) ou au plus près.
Texte
-
Nos Robers, dux de Burgoigne, façons savoir à touz ces qui verront ces presentes lettres que en nostre presence pour ce especiaument estaubliz Jehans, damoiseaux, sires de Duyme, a recogneu que il a receu de Gautier dit le Povre home, chevalier, doze cenz livres de tornois en pecune nombrée, la quel some d’argent li diz Gautiers li a doné pour le mariaige de Aalys, fille dou dit Gautier, la quel Aalys li diz Jehans doit panre à feme et à espouse, et assigne pour devant nos li diz Jehans au dit Gautier et à ses heirs ou nom de sa fille pour les dites doze cenz livres, huit vinz livrées de terre. C’est à savoir à Vilers devant Semur et es apartenances et se ce que li diz Jehans a ou doit avoir en la dite vile et es apartenances ne valoit les huit vinz livrées de terre, il les pourferoit au plus près de ce lue en sun heritaige ; en tel meniere que se li diz Jehans moroit sanz heir qu’il ehust de la dite Aaliz, la dite Aaliz tenroit l’assignement jusquez à ce que l’en li ehust fait sun gre des dites doze cenz livres, et se la dite Aaliz moroit sanz heir de sun cors, li diz Gautiers ou si heir tenrient la dite assise jusquez à ce que l’on lor ehust fait lor gré des dites doze cenz livres. Et ces choses desus dites à garder et à asseuir, à promis li diz Jehans por sun sairement doné sus sainz Evangiles corporelment por devant noz, et s’il en defailloit, il nos a proiez que nos le contreignessons à faire, la quel chose nos promettons au dit Gautier et à ses heirs. En tesmoignaige de la quel chose, nos avons fait saeler ces lettres de nostre seiaul à la requeste du dit Jehan. Ce fu fait et doné l’an de grace M CC LX et quatorze ou mois de octouvre.
Informations
Document
David
Bardey
(Université de Bourgogne), dans
Actes (ducs cap. de Bourgogne)
label.quote.actes-ducs-capetiens-bourgogne