« actes_ducs_capetiens_bourgogne-9 »
Document | actes-ducs-capetiens-bourgogne/notice/192348
Description
-
Robert II
-
Accords
Identification du témoin
-
Valbonnais, Histoire de Dauphiné et des princes qui ont porté le nom de dauphins, t. II, Genève, Chez Fabri et Barrillot, 1722, p. 9-10.
Analyses
-
Accords entre Robert II, duc de Bourgogne, et Béatrice, dauphine de viennois et comtesse d'Albon, au sujet de la tutelle que doit exercé le duc sur les terres de Jean, dauphin de Viennois, le temps de sa minorité.
Texte
-
Nos Robertus, dux Burgundie, et nos Beatrix Viennae et Albonis Comitissa et domina Fucigniaci, notum facimus universis praesentes litteras inspecturis, quod super regimine comitatum Viennae et Albon. et alterius terrae quondam dom. Guigonis Dalphini, super quibus fuerat inter nos contentio seu controversia suscitata, specialiter occasione cujusdam ordinationis factæ super regimine dict. terræ, per nos dict. B. comittissam quæ nobis dict. duci displicebat et displicet, habitis pluribus tractaribus unanimiter inter nos in præsentia illustris viri domini Philippi Sabaudie et Burgundie comitis, convenimus in hunc modum : videlicet quod nos dict. dux tutor simus et remaneamus Joannis filii, quondam dict. dom. G. Dalphini, et teneamus et regamus nomine dict. Joannis, cum omnimoda jurisdictione, terram quam nunc tenemus ; videlicet terram Vapincensem, et castra de Moras, de Vorapio, et de Valle cum pertinentiis suis. Ita tamen quod gentes nostræ quæ pro nobis dict. terram tenebunt, de fructibus et obventionibus dict. terræ bis in anno reddant dict. nominæ comittisæ computum seu legitimam rationem : videlicet in quindena beati Joannis Baptistæ, et in festo beati Andreæ, et deductis expensis faciendis pro custodia et regimine dict. terræ taxandis rationabiliter, quod fuerit residuum reddatur dict. dom. comitissæ in utilitatem ipsius Joannis convertendum ; et idem fiat de redditibus jam perceptis ibidem usque nunc. Adveniente vero dict. Joanne ad tempus pubertatis, nos dictus dux debemus et tenemur reddere dictam terram Vupincensem et castra predicta dicti Joanni vel Annæ sorori ejus, si dict. Joannes non superesset, sine aliqua dilatione et defensione juris vel facti, facta tamen prius juratoria cautione de matrimonio legitime contrahendo inter dict. Joannem et Margaritam filiam nostram. Aliam vero totam terram quondam dicti domini G. dalphini, nos dicta comittissa regamus et teneamus usque ad tempus pubertatis dict. Joannis cum omnimoda jurisdictione, nomine dict. dom. ducis, tamquam tutoris dict. Joannis. Actum etiam inter nos et conventum, quod nos dictus dux dictam comitissam per nos vel per alium in regimine dict. terræ non impediamus vel perturbemus, immo ipsam et gentes suas in regimine dict. terrae juvabimus et defendemus toto posse, bona fide. Et econtra nos dict. dom. ducem in regimine dict. terræ Vapincensis et dict. castrorum non impediamus, vel perturbemus immo ipsum et gentes suas in regimine dict. terræ et castrorum juvabimus et deffendemus toto posse bona fide, et de hoc præstemus nobis ad invicem sufficientem cautionem. Pro expensis vero quas nos dictus dux feceramus pro dict. Joanne et negotiis suis, nos dict. comitissa debemus et promittimus solvere nomine dict. Joannis, et pro ipso dict. dom. duce tria millia librar. viennensium, terminis inter nos statuendis per dom. Guillelmum dominum de Grance. Actum etiam inter nos et conventum, quod nos dict. dux in terra et castris predict., quæ tenemus nomine dict. Joannis debemus ponere castellanos et rectores qui sint homines dict. Joannis, vel fuerint homines dict. Guigonis dalphini patris sui quondam. Actum etiam fuit iner nos, quod quando continget constitui castellanos et ballivos a nobis dicta comitissa ad regendum terram quam tenemus, ipsi jurabunt semel quilibet ad sancta Dei Evangelia, quod si quid humanitus contigeret de Joanne Dalphino antequam perveniret ad puberes annos, quod ipsi restituent illud quod tenerent de terra, Annæ sorori ejusdem Joannis si superviveret, si autem non superviveret dict. Anna, ipsi restituerent illud quod tenerent de dict. terra dict. domino duci, salvo jure nostro in utroque casu, et tanto plus nobis de dite nostra, dotalitio et legatis, et salvo omni alio jure nostro, quod iuramentum præstabunt dicti ballivi et castellani in praesentia madati dict. dom. ducis, quando per ipsum dominum ducem vel mandatum suum super hoc fuerint requisiti. Has autem conventiones et omnia supra scripta nos dict. comitissa promittimus per juramentum servare et attendere, et dict. Joannem et bona sua fideliter regere, administrare et gubernare ad utilitatem dict. Joannis. Nos vero dict. dux promittimus per juramentum et bona fide, has conventiones et omnia supradict. attendere et observare jure tamen alterius semper salvo. In cujus rei testimonium nos praedict. dux et comittisa sigilla nostra praesentibus duximus apponenda et rogamus illustrem virum dominum dominum Philippum comitem Saubaudiæ et Burgundiæ prædictum ut sigillum suum una cum sigillis nostris praesentibus apponat in testimonium veritatis. Nos autem dict. Philippus comes ad preces et requisitionem praedictor. illustris viri dom. R. ducis Burgundiæ et illustris B. comittisæ una cum sigillis ipsorum sigillum nostrum præsentibus duximus apponendum in testimonium omnium prædictor. Datum apud Viennam die lunae in crastino beati Antonii, anno Domini millesimo ducentesimo septuagesimo secundo.
-
L'édition de Valbonnais pose plusieurs problèmes. La date de l'acte en particulier n'est pas compatible avec le principat de Robert II qui débute en octobre 1272. Par ailleurs, celui-ci n'a pas encore de fille car ses noces avec Agnès de France ne sont célébrées qu'en juillet 1273.
Informations
Document
David
Bardey
(Université de Bourgogne), dans
Actes (ducs cap. de Bourgogne)
label.quote.actes-ducs-capetiens-bourgogne