Général
-
Clément VI (1342-1352)
-
Tobiam de Bononia ord. Min. poenitentiarium apostolicum in Urbe instituit.1
-
1346, octobris 14, Avinione.
-
1346
-
Dilecto filio Tobiae de Bononia ord. fratrum Min., poenitentiario nostro.
De religionis sinceritate, litterarum scientia, gravitate morum, prudentia spiritualium et aliis multiplicibus tuarum virtutum et probitatis meritis, quibus personam tuam fidedignis testimoniis fore percepimus insignitam, plenam in Domino fiduciam obtinentes, te in poenitentiarium nostrum in Urbe constituimus et etiam ordinamus, tibi tenore praesentium committentes, ut huiusmodi officium poenitentiariae in eadem Urbe, sicut alii nostri in Urbe ipsa poenitentiarii illud ibidem gerere et exercere consueverunt, diligenter et fideliter exequaris. Volumus autem, quod tu, priusquam ipsum officium incipias exercere, in manibus venerabilis fratris nostri Raymundi episcopi Urbevetani, nostri in dicta Urbe vicarii, de huiusmodi officio fideliter gerendo praestes corporaliter iuramentum iuxta formam praesentibus annotatam, quae talis est: Ego frater Thobias de Bononia etc. Datum Avinione II idus octobris anno quinto.a
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°393., p.191
-
Reg. Vat. t. 174 (Clem. VI a. 5, l. 1, p. 2), f. 314, ep. 915. Ante eum et quidem tempore, quo incipit hic t. VI Bullarii Franciscani, in eadem Urbe poenitentiarii apostolici ex ord. Min. instituti sunt: Andreas Bartholi, Petrus de Saxoferrato, Nicolaus de Interamna. Cfr. supra n. 67, 136, 199; infra n. 511, 549, 592, 921 b, 1144, 1194.
1 -
(a) Aliis litteris eodem die datis S. P. praedictum Raymundum episcopum Urbevetan., vicarium suum in Urbe, a praedicto fratre Tobia illud iuramentum recipere iubet (l. c. ep. 916).