Général
-
Clément VI (1342-1352)
-
Guardiano et conventui fratrum ord. Min. de Peyra commendat Henricum patriarcham Constantinop. tractaturum cum Graecis, ut ad unionem ecclesiae catholicae redeant.1
-
1343, octobris 21, Avinione.
-
1343
-
Dilectis filiis gardiano et conventui fratrum ord. Min. de Peyra Constantinop. dioec.
Cum nos, qui licet insufficientibus meritis illius vices in terris gerimus, qui omnes quaerit salvos fieri et neminem vult perire, circa reductionem cleri et populi Graecorum ad unitatem sacrosanctae Romanae matris ecclesiae, a qua olim per damnandi fermentum scismatis recesserunt, paternis solicitudinibus intendentes, venerabili fratri nostro Henrico patriarchae Constantinopolitano, apostolicae sedis legato, aliqua imposuerimus super hiis, et per nos vel ipsum legatum sint ad partes illas personae aliquae super tractanda reunione huiusmodi destinandae: universitatem vestram rogamus et in Domino attentius exhortamur, quatinus personis eisdem pro divina et nostra dictaeque sedis reverentia sic favorabiliter assistatis, quod praeter perennis retributionis mercedem vestra possit et debeat devotio merito commendari. Datum Avinione XII kal. novembris anno secundo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°229., p.134
-
Reg. Vat. t. 137 (secr. Clem. VI. a. 2), ep. 423; Cfr. 413-422, 424-427, 492-493, 517.
1