« bullarium-franciscanum-4295 »

[Ioanni s. Theodori diac. card.] legato Tusciae.

Cum, sicut displicenter nimis ad nostrum pervenit auditum, cuidam nuncio carissimae in Christo filiae nostrae Sanciae reginae Siciliae illustris, Nicolao nomine, notario, ad Terram laboris una cum quodam capellano carissimi in Christo filii nostri Roberti regis Siciliae illustris misso ad provinciale capitulum fratrum Minorum in illis partibus in mense augusti proximo praeterito celebratum cum eleemosynis regis et reginae praedictorum ac certis litteris eidem capitulo destinandis per dilectum filium Geraldum Othonis ordinis fratrum Minorum praedictorum generalem ministrum et nonnullos fratres alios ipsius ordinis verbales et reales iniuriae fuerint irrogatae: nos de hiis, ut promptius ad correctionem debitam talium possimus procedere, volentes plenius informari, discretioni tuae per apostolica scripta committimus et mandamus, quatinus per te vel alium seu alios super praemissis et ea tangentibus (summarie, simpliciter et de plano, sine strepitu et figura iudicii) veritatem inquirens nobis referre fideliter et celeriter, quae in hac parte repereris, ut ad correctionem eorum possimus, sicut praefertur, procedere, non postponas. Datum II [Avinione], nonas septembris, anno sextodecimo.