Général
-
Jean XXII (1316-1334)
-
Petit securum conductum pro fratre Henrico de Signoreto de Pisis ord. Min. ad certas quasdam Italiae partes destinato.1
-
1329, maii 24, Avinione.
-
1329
-
Venerabilibus fratribus patriarchis, archiepiscopis et episcopis etc., ad quos praesentes litterae pervenerint.
Cum dilectus filius Henricus Signoreto de Pisis ordinis fratrum Minorum, exhibitor praesentium, ad certas partes Italiae pro quibusdam negotiis expediendis de beneplacito nostro accedat, ad nostram praesentiam in proximo reversurus, universitatem vestram rogamus, monemus et in Domino attentius exhortamur, quatinus eumdem Henricum, cum per terras et loca vestra transitum fecerit, benigne recommendatum habentes nullam eidem molestationem vel iniuriam inferatis nec ab aliis, quantum in vobis fuerit, permittatis inferri, sed ei potius de securo conducto in eundo, morando et redeundo sic libere providere curetis, quod ipse de vobis grata referre valeat et nos devotionem vestram debeamus propter hoc merito commendare: praesentibus per duos menses tantummodo valituris. Datum Avinione, IX kalendas iunii, anno tertiodecimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°794., pp.388-389
-
Reg. Vat. t. 115, f. 76, ep. 459; cfr. infra n. 816.
1