Général
-
Jean XXII (1316-1334)
-
Raymundum (ex ord. Min.) episcopum Theatin. ad eccl. Aversan. vac. per obitum Guilelmi (ex ord. Min.) transfert.1
-
1326, februarii 21, Avinione.
-
1326
-
Ven. fratri Raimundo episcopo Adversan.
Romani pontificis etc. Sane pridem ecclesia Adversana ecclesiae Rom. immediate subiecta per obitum bo. me. Guilelmi episcopi Adversan., qui in partibus illis diem clausit supremum, pastoris solatio destituta, nos .... provisionem eiusdem ecclesiae ea vice dispositioni nostrae duximus reservandum etc. Postmodum autem dilecti filii capitulum eiusdem ecclesiae, huiusmodi nostrae reservationis forsan ignari, dilectum filium Petrum de Moreriis canonicum Aquen. in Adversan. episcopum elegerunt. Quo siquidem Petro post assensum electioni huiusmodi ... praestitum ad sedem apostolicam personaliter accedente ... nos ... electionem huiusmodi decrevimus irritam et inanem ac ... demum consideratis tuarum multiplicibus virtutum meritis nobis et eisdem fratribus [cardinalibus] non innotis ‥, ad te tunc episcopum Theatin. convertimus aciem nostrae mentis ... et a vinculo, quo eidem ecclesiae Theatin., cui praeeras, tenebaris astrictus, te ... absolvimus ac te licet absentem ad praedictam Adversan. ecclesiam transferimus teque ipsi Adversan. ecclesiae praeficimus in episcopum et pastorem, tibi curam et administrationem ipsius in spiritualibus et temporalibus plenarie committendo tibique liberam tribuendo licentiam ad eandem Adversan. ecclesiam transeundi etc. Dat. Avinione, IX kal. martii, anno decimo.a
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°603., pp.299-300
-
Reg. Vat. t. 80, ep. 879. Cfr. Supra n. 419 et 532.
1 -
(a) In e. m. capitulo et vassallis eccl. Adversan., clero ac populo civ. et dioec. Adversan. Roberto regi Siciliae. Hic Raymundus, quum esset episcopus Theatin., unum castrum ad ipsam ecclesiam Theatin. pertinens alicui infeudavit et alterum vendidit. Quas infeudationem et venditionem Ioannes XXII paulo post Raymundi translationem ad eccl. Aversan. declaravit irritas (l. c. t. 82, ep. 441).