Général
-
Jean XXII (1316-1334)
-
Mandat custodi fratrum Min. Colimbrien., quod assignet duos fratres pro directione et consummatione operis monasterii Clarissarum Colimbrien. a regina Portugalliae aedificati.1
-
1323, maii 16, Avinione.
-
1323
-
Dilecto filio custodi fratrum ordinis Minorum loci Colimbrien.
Carissima in Christo filia nostra Elisabetha Portugalliae et Algarbii regina illustrisa nobis exposuit, quod ipsa zelo piae devotionis accensa quoddam monasterium sororum ordinis sanctae Clarae prope Colimbriam in praesentiarum construere facit de nostra sibi concessa super hoc licentia speciali, ad cuius prosecutionem, directionem, consummationem operis intendit duos fratres industrios et fideles tui ordinis adhibere, qui sint conventuales loci Colimbrien. ordinis memorati. Nos igitur pium eiusdem reginae propositum in hac parte plurimum in Domino commendantes illudque opportunis favoribus prosequi cupientes, discretioni tuae per apostolica scripta districte praecipiendo mandamus, quatenus ad requisitionem eiusdem reginae duos fratres tui ordinis, quos ad hoc videris opportunos, conventui fratrum dicti loci Colimbrien. studeas assignare pro dicto opere sanctae Clarae dirigendo provide et feliciter consummando, eos a praedicto loco sine causa rationabili nullatenus amoturus. Datum Avinione, XVII kal. iunii, anno septimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°499., pp.250-251
-
Reg. Vat. t. 75, ep. 1606, f. 228 apud Wadd. l. c. reg. pont. Io. XXII, p. 2, n. 8.
1 -
(a) Postmodum inter sanctos relata. Cfr. supra nn. 295, 384.