Général
-
Jean XXII (1316-1334)
-
Concedit Isabellae, Philippi V regis Franciae filiae, facultatem visitandi Blancam monialem mon. de Longocampo, germanam suam.1
-
1320, decembris 13, Avinione.
-
1320
-
Dilectae in Christo filiae Isabellae, natae carissimi in Christo filii nostri Philippi regis Franciae et Navarrae illustris.
Devotionis tuae sinceritas promeretur, ut tuis in hiis etiam, quae tibi dulcedinem consolationis afferant, quantum cum Deo possumus, favorabiliter annuamus. Hinc est, quod nos tuis supplicationibus inclinati, ut quoties et quando volueris, clausuram et septa monasterii monialium de Longocampo prope Parisius ordinis sanctae Clarae cum decenti militum et mulierum aetatis provectae comitiva (illius religiosi, qui praeerit regimini animarum monasterii praefati, arbitrio, super quo ipsius religiosi conscientiam oneramus) libere introire valeas causa visitandi dilectam in Christo filiam Blancam sororem tuam, ipsius monasterii monialem, dummodo tu ac milites et mulieres praedicti non comedatis nec pernoctetis in monasterio antedicto. Non obstantibus quibuscunque statutis etc. Datum Avinione, idibus decembris, anno quinto.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°414., pp.194-195
-
Reg. Vat. t. 71, f. 224, ep. 477. Cfr. supra n. 364 a.
1