Général
-
Jean XXII (1316-1334)
-
Aggravat sententiam adversus Bernardum Deliciosi ord. Min. latam.1
-
1320, februarii 25, Avinione.
-
1320
-
Venerabilibus fratribus Appamiensi et sancti Papuli episcopis.a
Cum nimis indecens videatur, quod frater Bernardus Deliciosi ordinis Minorum, pro tam enormibus criminibus condemnatus, religionis adeo venerabilis habitum extra dictum ordinem in carcere deferat, praesertim cum, si pro levioribus culpis esset ad ipsius ordinis carcerem deputatus, huiusmodi habitum in eodem ordine non deferret: fraternitati vestrae de fratrum nostrorum consilio per apostolica scripta praecipiendo mandamus, quatenus eidem fratri Bernardo, sublato cuiusvis tarditatis obstaculo, dictum habitum auferatis, ab omni mitigatione poenitentiae per vos eidem impositae, quam nobis et apostolicae sedi reservamus, specialiter abstinendo, nisi a nobis super hoc aliud receperitis in mandatis. Datum Avinione, V kal. martii, anno quarto.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°388., p.181
-
Cfr. Baluze, Vitae paparum Avin. II, 365, ubi haec bulla impressa est, et Hauréau, « Bernard Délicieux » p. 165, ubi legimus, dictum Bernardum paucis hebdomadis post obiisse. Waddingus errat igitur, cum in Ann. Min. ad a. 1318, n. 27, scribat, istum Bernardum, cui cognomen « Delliconsi » tribuit, iam obiisse, antequam condemnatus est.
1 -
(a) Vide supra n. 372 litteras Io. XVII die 16 iulii 1319 ad eosdem episcopos et archiepiscopum Tolosan. datas.