Général
-
Clément V (1305-1314)
-
Mandat episcopo et archidiacono Constantien., ut quosdam (inter quos guardianos Nanneten. et Veneten. ord. Min.) illis indebitis exactionibus, quibus dux Britanniae ab ipsis molestari dicitur, desistere compellant.1
-
1313, februarii 9, Avinione.
-
1313
-
Venerabili fratri Roberto episcopo Constantien.a et dilecto filio Gaufrido de Plexeyo archidiacono Vallisviridae in ecclesia Constantien., notario nostro.
Ex parte dilecti filii nobilis viri Iohannis ducis Britanniae nobis extitit conquerendo monstratum, quod venerabiles fratres nostri Alanus Redonen. et Iohannes Veneten. episcopi, Thomas decanus ecclesiae Andegaven., Albericus de Baldimento canonicus Cenomanen., ac ‥ Nannecten. et Veneten.b ordinis fratrum Minorum guardiani et Gaufridus de Anesto clericus Maclovien. dioecesis praefatum Iohannem ducem Britanniae indebitis exactionibus aggravantes et etiam molestantes super quibusdam pecuniarum summis, castris, villis, iuribus, iurisdictionibus, terris, possessionibus et rebus aliis iniuriantur eidem. Quare dictus Iohannes nobis humiliter supplicavit, ut eos compesci ab huiusmodi iniuriis per discretum aliquem mandaremus. Quia vero nobis non constat de praemissis, discretioni vestrae mandamus, quatenus vos vel alter vestrum (partibus convocatis, simpliciter et de plano) causam huiusmodi audiatis eamque appellatione remota fini debito demandetis, facientes quod decreveritis per censuram ecclesiasticam firmiter observari. Testes autem etc. Datum Avinione, V idus februarii, pontificatus nostri anno octavo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°208., p.93
-
Reg. Vat. t. 60, f. 30, ep. 139 (n. 9033).
1 -
(a) Coutances in Britannia minori (Bretaigne).
-
(b) Conventus Nanneten. (Nantes) et Veneten. (Vannes) pertinebant ad custodiam Britanniae provinciae Turoniae.