Général
-
Clément V (1305-1314)
-
Indulget Aremburgi abbatissae et Marchesiae moniali monasterii Petragoricen. ord. s. Clarae, ut in causis et negotiis necessariis septa monasterii exire valeant et quomodo.1
-
1308, martii 23, Pictavis.
-
1308
-
Dilectis in Christo filiabus Airemburgi, germanae dilecti filii nostri nobilis viri Heliae Talayrandi comitis Petragoricen., abbatissae et Marquesiae, filiae dicti comitis, sorori monasterii sanctae Clarae Petragoricen. ordinis eiusdem sanctae.a
Cum, sicut ex parte vestra fuit expositum coram nobis, vobis non liceat in regularibus institutis vestri ordinis vestri monasterii septa egredi absque ministri generalis ordinis fratrum Minorum licentia specialib vobisque interdum expediat ratione infirmitatis dilecti filii nobilis viri Eliae Talayrandi comitis Petragoricen. fratris tui, filia Airemburgis, tuique patris, filia Marquesia, ac aliorum propinquorum et amicorum vestrorum nec non pro negotiis vestri ordinis promovendis septa exire praedicta: nos super hoc vobis obtentu dicti comitis nobis in hac parte supplicantis providere volentes, eiusdem comitis supplicationibus inclinati, quod eadem septa cum societate decenti aliarum monialium honestarum vestri ordinis praedicti, quas ad hoc duxeritis eligendas, de licentia provincialis ministri vel custodis dicti ordinis fratrum Minorum exire pro huiusmodi causis libere valeatis, contrariis institutis dicti vestri ordinis nequaquam obstantibus, auctoritate vobis praesentium indulgemus. Nulli ergo etc. Datum Pictavis, X kalendas aprilis, pontificatus nostri anno tertio.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°106., p.48
-
Reg. Vat. t. 55, f. 54, ep. 287 (n. 2607), apud Wadd. Reg. pont. Clem. V, n. 14.
1 -
(a) Cfr. infra n. 107 ac supra n. 63-77 et 87-89.
-
(b) Cfr. regulam ab Innoc. IV Clarissis a. 1247 traditam ubi § 2 legimus: « pro alia etiam et rationabili causa interdum .... de supradicti dumtaxat licentia generalis ».