« bullarium-franciscanum-3185 »

BONIFACIUS &c.

Venerabili Fratri Antonienoa Episcopo Cervien.b Salutem, & Apostolicam Benedictionem.

Inter sollicitudines aliàs, quæ Nobis ex officii debito Pastoralis incumbunt, quibusve noster animus jugiter pro negotiorum varietate distrahitur, illa præcipua fore dinoscitur, ut viduatis Ecclesiis, ne vacationis diutinæ detrimenta substineant de celeris, & salubris provisionis remedio succurramus. Ecclesiâ siquidem Cervien. per obitum bonæ memoriæ Theodoricic Cervien. Episcopi solatio destitutâ Pastoris: Nos, ut illi Præsul præficeretur idoneus, qui ei sciret, & posset præesse salubriter, & prodesse, provisionem ipsius Ecclesiæ ea vice dispositioni Sedis Apostolicæ reservantes decrevimus irritum, & inane, quicquid secus scienter, vel ignoranter attentatum esset, vel contingeret attentari, ac demum ad provisionem ejusdem Ecclesiæ Apostolicæ sollicitudinis studium convertentes, post deliberationem, quam super hoc habuimus diligentem, consideratis muneribus in te vigentibus gratiarum, quibus virtutum Dominus te multipliciter fœcundavit, ad te Ordinis Fratrum Minorum professorem, cui laudabilis conversationis industria, vitæ munditia, morum gravitas, Religionis zelus, ac litterarum scientia suffragantur, direximus aciem nostræ mentis. His itaque omnibus diligenti meditatione pensatis, de persona tua Nobis, & Fratribus nostris ob tuorum exigentiam meritorum accepta Ecclesiæ præfatæ providimus, teque de Fratrum eorumdem consilio præfecimus eidem Ecclesiæ in Episcopum, & Pastorem, facientes tibi postmodum per Venerabilem Fratrem nostrum M.d Episcopum Portuen. munus consecrationis impendi, firmâ de te conceptâ fiduciâ, quòd præfata Ecclesia per tuæ circumspectionis industriam, & providentiam circumspectam in spiritualibus, & temporalibus prospere dirigetur, ac salubria sub tuo felici regimine continuò recipiet incrementae Datum Laterani VIII. Idus Aprilis, Pontificatus nostri Anno Quinto.