Général
-
Nicolas IV (1288-1292)
-
Provideat Sardanen. Ecclesiæ de idoneo Pastore cum assensu, & consilio Prioris Prædicat. & Guardiani Minorum Fratrum Ragusin. ex Vat. Reg. Pontif. epist. 811. anno 4.
-
Anno 1291. die 27. Iunii.
-
1291
-
NICOLAUS &c.
Pridem Nobis tua Fraternitas intimavit, quòd Ecclesia Sardanen.c Ecclesiæ Antibaren. subjecta tanto tempore jam vacavit, quòd ejus provisio est ad Sedem Apostolicam legitime devoluta. Quare suppliciter postulabas a Nobis, ut cum prædicta Sardanen. Ecclesia inter Nationes perversas posita dinoscatur, circa statum ipsius, ne Pastoris destituta regimine ulteriùs damnorum perferat detrimenta, dignaremur de solita benignitatis clementia providere. Nolentes igitur, ut prædicta Ecclesia de cetero vacationis incommoda patiatur, & de tuæ probitatis industria plenam in Domino fiduciam obtinentes Fraternitati tuæ providendi hac vice de consilio, & assensu dilectorum filiorum‥ Prioris Prædicatorum, & ... Guardiani Minorum Fratrum Ordinum Ragusin.d ipsi Ecclesiæ Sardanen. de persona idonea, quæ tanto congruat oneri, & honori, super quo tuam intendimus conscientiam onerare, ac faciendi ei a suis subditis obedientiam, & reverentiam debitam exhiberi, & contradictores per censuram Ecclesiasticam, appellatione postposita compescendi, plenam, & liberam auctoritate præsentium concedimus potestatem. Per hoc autem Capitulo ejusdem Ecclesiæ nolumus aliquod præjudicium generari, quin ad electionem Sardanensis Episcopi, cum Ecclesiam ipsam vacare contigerit, libere possit procedere, sicut priùs. Quod autem super hoc, & etiam super concessione Episcopi Civitati Savæe facienda, pro qua nostras tibi litteras mittimus, feceris, Nobis per tuas litteras intimare procures. Datum ut supra.
-
Bullarium Franciscanum romanorum pontificum, tomus IV, n°CDXCIV., pp.263-264
-
(a) Fratri.
-
(b) Antibaren.: Italis Antivari, pro qua Civitate vide notam (b) ad epist. 424. supra pag. 223.
-
(c) Sardanen.: ut ibi no. (c).
-
(d) Ragusin.: ibidem no. (e).
-
(e) Savæ: forsan Sappaten. incolis Sappa Episcopalis, quæ dictæ postea Sardanensi unita fuit, ut nos docet Lucius Ferrarius in sua Bibliot. Canon. to. 3. ad verbum Episcopatus.