Général
-
Nicolas IV (1288-1292)
-
Armachanam Fratrum Ord. Minorum Ecclesiam devote visitantibus statutis diebus datur Indulgentia. ex Vat. Reg. Pontif. ep. 615. n. 5. an. 3. teste etiam Vaddingo ad hunc ann. num. 32.
-
Anno 1291. die 4. Januarii.
-
1291
-
NICOLAUS &c.
Universis Christifidelibus præsentes litteras inspecturis Salutem, & Apostolicam Benedictionem.
Vitæ perennis gloria &c.a quatenus ad Ecclesiam dilectorum filiorum ‥ Guardiani, & Fratrum Ordinis Minorum Armachan.b imploraturi a Domino veniam delictorum in humilitate spiritus accedatis. Nos enim, ut Christifideles quasi per præmia salubriter ad merita invitemus, de Omnipotentis Dei misericordia, & Beatorum Petri & Pauli Apostolorum ejus auctoritate confisi, omnibus vere pœnitentibus & confessis, qui eamdem Ecclesiam in Annunciationis B. Virginis, & SS. Francisci, & Antonii Confessorum, Sanctæque Claræ Virginis festivitatibus, & per octo dies festivitates ipsas immediate sequentes, necnon in Anniversario Dedicationis ipsius Ecclesiæ devote visitaverint annuatim, unum annum, & quadraginta dies de injuncta sibi pœnitentia misericorditer relaxamus. Datum ut supra.
-
Bullarium Franciscanum romanorum pontificum, tomus IV, n°CCCLXXXVI., p.208
-
(a) Gloria &c.: ut in 241. ep. usque ad injungentes.
-
(b) Armachan.: Metropolis Vltoniæ in Hibernia, Incolis Armagh ad Kasin fluvium e Neaugh Lacu 15. circiter milliaribus in Austrum; Cœnobium verò FF. Min. in Provincia Hiberniæ, & Veneten. Cust. exhibuerunt Jord. & Pisan. corrupte tamen Arthmaciam, & Aramatiam illud appellantes, cujus fundationem dat Vaddingus ad hunc an. n. 32. reformationem autem ad an. 1518. n. 35.