« bullarium-franciscanum-2685 »

NICOLAUS &c.

Venerabili Fratria ... Archiepiscopo Coloniensi Sal. & Ap. Ben.

Dilecti filii ‥ Minister Provinciæ Coloniensis, ac ‥ Guardianus, & Fratres de Grimemberghb Ordinis Fratrum Minorum Nobis exponere curaverunt, quòd dudum inter ipsos ex parte una, & Priorem, & Fratres Domus Hospitalitatis Sancti Joannis Hierosolymitanic Provinciæ Alemaniæ super eo, quòd dicti Prior, & Fratres Fratrem Henricum de Betemburchd ipsius Ordinis Minorum Professum ab ipsorum Fratrum Minorum apostatantem Ordine contra tenorem privilegiorum Apostolicorum eisdem Fratribus Minoribus concessorum contra justitiam receperant, & ipsum eorum habitu vestiverant, ipsumque in eadem domo detinere temere præsumebant ex altera exortâ materiâ quæstionis, tandem hujusmodi causa de voluntate partium ad Sedem Apostolicam legitime devoluta, dilectum filium P.e Tituli Sancti Marci Presbyterum Cardinalem dedimus in dicta causa partibus Auditorem. Postmodum autem eædem partes volentes vitare litigiorum anfractus, & pacis, & concordiæ semitam complectentes, in eumdem Cardinalem tamquam in Arbitrum, Arbitratorem, & amicabilem Compositorem sub ea forma, & sub certa pœna compromittere concorditer curaverunt, quòd idem Cardinalis in eadem causa, & omnibus illam contingentibus posset laudare arbitrari pronunciare dicere ac mandare, quod sibi in hac parte pro pace utriusque partis expediens videretur. Idem autem Cardinalis hujusmodi compromisso recepto, visis, auditis, & diligenter intellectis omnibus, quæ partes super hoc sibi in scriptis, & sine scriptis dare, aut dicere voluerunt, necnon partium ipsarum super dicto negotio investigata, & cognita voluntate, ac etiam super præmissis omnibus secum deliberatione præhabita diligenti, de communi concordia, & assensu partium earumdem Procuratorum ipsarum pro bono pacis, & concordiæ perpetuò mutuò conservandæ laudavit inter alia, arbitratus est pronuntiavit dixit & mandavit, quòd idem Prior infra sex menses a tempore notificationis hujusmodi arbitrii sibi factæ Prioribus, & Conventibus universis Domorum dicti Hospitalis per Alemaniam constitutis per suas mandaret litteras speciales, ut si haberent, vel quomodolibet habere valeant dictum Fratrem Henricum, qui apud eos, vel aliquos ex eis maneret, ipsum Ministro Coloniensif, vel si ejus præsentiam commode adire non possent, illum Custodi Assiæg, vel Guardiano, aut Vice-Guardiano, ac Conventui Fratrum Minorum de Grimemberch Maguntinæ Diœcesis, de quorum obedientia, & subjectione dictus Frater Henricus, antequam apostatasset, fuerat, restituere non obmittant, alioquin si idem Frater Henricus apud eos, vel ipsorum aliquos non maneret, nec habere possent eumdem, idem Prior mandet per dictas suas litteras, & injungat Fratribus memoratis, ut memoratum Fratrem Henricum volentem apud ipsos forsitan commorari nullatenus recipiant, vel admittant, nec ei aliquod auxilium, consilium, vel favorem publice, vel occulte de cetero præbeant in præmissis, nec aliquem ipsius Ordinis Minorum apostatam de cetero recipere audeant per se, vel per Fratres suos, aut quomodolibet receptare, quòdque partes ipsæ procurent, quòd omnes excommunicationum sententiæ in aliquos ex Fratribus ipsis, vel quoscumque alios nominatim expressos per Conservatores ipsorum hujusmodi occasione latas sub certis modis infra certum terminum debeant relaxari. Prædictus etiam Cardinalis laudavit, voluit, & mandavit, quòd Prior, & Fratres Domus dicti Hospitalis de Nilech Maguntinæ Diœcesis Fratribus Minoribus de Gritnemberch ejusdem Diœcesis sex Marchash boni argenti pro expensis factis ab eis in hujusmodi quæstione dare, & solvere teneantur, prout in Instrumentis publicis provide confectis, ipsiusque Cardinalis sigillo munitis pleniùs continetur. Nos itaque eorumdem Ministri, & Fratrum supplicationibus inclinati, quod ab eodem Cardinali super hoc provide factum est, ex certa scientia ratum, & gratum habentes, ac id auctoritate Apostolica confirmantes, & defectum, si quis est in præmissis, ex plenitudine potestatis supplentes, Fraternitati tuæ per Apostolica scripta mandamus, quatenus illud per te, vel per alium, aut alios auctoritate nostra executioni debitæ demandare procures, contradictores per censuram Ecclesiasticam, appellatione postposita, compescendo. Datum apud Urbem veterem Idibus Julii, Pontificatus nostri Anno Tertio.