Général
-
Nicolas IV (1288-1292)
-
Indulgentiam impertitur adeuntibus devotionis causâ Ecclesiam Fratrum Minorum Tiburtin. certis anni diebus. ex Reges. Vatic. Pontif. epist. 106. anno 2.
-
Anno 1289. die 29. Martii.
-
1289
-
NICOLAUS &c.
Universis Christifidelibus præsentes litteras inspecturis Salutem, & Apostolicam Benedictionem.
Licet is, de cujus munere venit, ut sibi a fidelibus suis digne, ac laudabiliter serviatur, ex abundantia pietatis suæ, quæ merita supplicum excedit & vota, bene servientibus multò majora retribuat, quàm valeant promereri: nihilominus tamen desiderantes Domino reddere populum acceptabilem fideles Christi ad complacendum ei, quasi in quibusdam illectivis muneribus, indulgentiis scilicet, & remissionibus invitamus, ut exinde Divinæ reddantur gratiæ aptiores. Cupientes igitur, ut Ecclesia dilectorum filiorum Fratrum Ordinis Minorum de Tibure.a congruis honoribus frequentetur, omnibus vere pœnitentibus & confessis, qui Ecclesiam ipsam in Nativitatis, Anuntiationis, Purificationis, & Assumptionis B. Mariæ Virginis, & Sanctorum Francisci, & Antonii, Sanctæque Claræ festivitatibus, & per octo dies immediate sequentes devote visitaverint, annuatim de Omnipotentis Dei misericordia, & Beatorum Petri & Pauli Apostolorum ejus auctoritate confisi, unum annum, & quadraginta dies de injuncta sibi pœnitentia misericorditer relaxamus. Datum Romæ apud S. Mariam Majorem IV. Kalendas Aprilis, Pontificatus Nostri Anno Secundo.
-
Bullarium Franciscanum romanorum pontificum, tomus IV, n°XCIX., pp.-69
-
(a) De Tibure: de quo loco egimus in præcedentibus hujus Bullarii tomis.