Général
-
Nicolas IV (1288-1292)
-
Ut tempore gen. Interdicti Divina celebrentur, eisque Sacramenta ministrentur, servatis de jure servandis. ex Vat. Reges. Pontif. epist. 26. anni 2.
-
Anno 1289. die 11. Martii.
-
1289
-
NICOLAUS &c.
Eisdem.
Meritis vestræ Religionis inducimur, ut petitiones vestras, quantùm cum Deo possumus, ad exauditionis gratiam admittamus. Vestris igitur supplicationibus inclinati, auctoritate vobis præsentium indulgemus, ut cum generale interdictum Terræ fuerit, liceat Fratribus Ordinis Minorum ad celebrandum vobis Missarum solemnia, & ministrandum Sacramenta Ecclesiastica deputatis in Ecclesia Monasterii vestri vobis, vestrisque domesticis familiaribus continue in eodem Monasterio commorantibus submissa voce, januis clausis, non pulsatis campanis, interdictis, & excommunicatis exclusis, Missas ipsas & alia officia celebrare, vobisque, ac eisdem familiaribus ministrare hujusmodi Sacramenta, dummodo vos, aut dicti Fratres, & Familiares causam non dederitis interdicto, nec id vobis, vel eis contingat specialiter interdici. Nulli ergo omnino hominum liceat hanc paginam nostræ concessionis infringere, vel ei ausu temerario contraire. Si quis autem hoc attentare præsumpserit, indignationem omnipotentis Dei, & beatorum Petri & Pauli Apostolorum ejus se noverit incursurum. Datum ut supra.
-
Bullarium Franciscanum romanorum pontificum, tomus IV, n°LXXXIX., pp.61-62