Général
-
Honorius IV (1285-1287)
-
Ut in cujusdam Matrimonii impedimento ex hypothesi dispensare valeant. (Ex Vatic. Reges. Pontif. epist. 138. anni 2.)
-
Anno 1286. die 15. Octobris.
-
1286
-
HONORIUS &c.
Dilectis Filiis … Priori Prædicatorum, & … Guardiano Minorum Fratrum Ordinum Tullensiuma Salutem, & Apostol. Benedictionem.
Petitio dilecti Filii Joffredi dicti Bridamnæ de Novo Castrob Armigeri, & dilectæ in Christo Filiæ Margaronnæ Mulieris ejusdem loci Nobis exhibita continebat; quòd idem Joffredus olim cum quondam Comitissa muliere nonum, vel decimum ætatis annum habente sponsalia per verba de futuro contraxit; & tandem de utriusque voluntatis assensu, cum inter eos carnalis subsecuta copula non fuisset, auctoritate Diœcesani Episcopi hujusmodi fuerunt sponsalia dissoluta, prædicta Comitissa Religionis habitum assumente. Postmodum autem dicti Armiger & Margaronna, quæ præfatæ Comitissæ in secundo consanguinitatis gradu, dum viveret, attinebat; non credentes, quòd tale impedimentum inter ipsos existeret, per quod posset matrimonium impediri, sponsalia per verba de præsenti, eâdem adhuc Comitissa vivente, in simul contraxerunt; qui postmodum hujusmodi matrimonium per carnis copulam consummarunt. Cum autem præfati Joffridus & Margaronna exinde habere se asserant conscientias remordentes &c.c
Datum Romæ apud Sanctam Sabinam Idius Octobris, Pontificatus Nostri Anno Secundo.
-
Bullarium Franciscanum romanorum pontificum, tomus III, n°LX., pp.581-583
-
(a) Tullen.: Vulgo Toul in Lotharingia Episc. sub Archiepiscopo Trevirensi; ubi Fratres Ord. Min. locum habebant, qui erat 3. Custodiæ Lotharingiæ in Provincia Franciæ ex veteri nostri Ordinis Provinciali jam alias cit., anno 1272. a Lotharingiæ Duce, aliisque a Waddingo recensitis ad eum ann. num. 26. excitatus; sed Nicrologium ejusdem Cœnobii a Waddingo relatum ad ann. 1296. num. 7. habet, Conradum Episcopum Tullen. ex Ord. Min. anno 1279. assumptum pro majori parte ædificasse Conventum istum: atque hic est ille Episcopus Tullensis, pro quo specialia fieri suffragia in omnibus Comitiis Gen. statutum est non in Comitiis Pisanis anno 1272. a S. Bonaventura coactis, ut putavit Waddingus ad eum ann. num. 10., qui non advertit eam additionem esse Actis illorum Comitiorum factam ab aliquo imperito; sed in Comitiis anno 1299. celebratis Lugduni, cum ibi etiam sancitum dicatur, ut Anniversarium solemne fieret S. Ludovici in crastino S. Bartholomæi anno 1297. mense Augusto in Sanctorum Catalogum relati; quod anno 1272. statui non poterat de viro nondum inter Sanctos ascripto.
-
(b) De Novocastro: Nobili tunc Lotharingiæ Oppido Diœcesis Tullensis.
-
(c) Remordentes &c. Ut in epist. 42. hujus Pontificis Exhibita nobis &c. hoc anno idibus Maij data usque in finem, ac datum, mutatis tantum nominibus Dini, & Johannæ in Soffredum, & Margaronnam: nec non: tempore impedimentum hujusmodi ignorabant: in tempore eis obesse impedimentum hujusmodi non credebant.