Général
-
Nicolas III (1277-1280)
-
Res quasdam suas olim Assisii in nostro Cœnobio S. Francisci depositas repetit, & cui consignandæ, significat. (Ex Autographo in Archivo dicti Cœnobii ab Auctore Collis Paradisi &c. lib. 2. p. 34. vulgato.)
-
Anno 1278. die 1. Januarii.
-
1278
-
NICOLAUS EPISCOPUS Servus Servorum Dei
Dilectis Filiis Custodi …a , Guardianob , & Fratribus Assisiat., Salutem, & Apostolicam Benedictionem.
Advos, & locum vestrum prærogativam specialis affectionis habentesc fecimus ab olim, dum eramus in minori officio constituti, nonnulla de rebus Nostris per dilectos Filios Magistrum Petrum Facistantem tunc Camerarium, & Fratrem Constantinumd Ordinis vestri familiares Nostros in loco ipso deponi a vobis fideliter conservanda; & tandem nemini, nisi certo, & fideli Nuntio Nostro de recipiendâ, & aperiendâ liberè Arcâ, in qua res ipsæ consistunt, speciales Nostras deferenti litteras, assignandâ. Volentes itaque diebus istis ad Nos res ipsas deferri, dilectum Filium Andream de Nivernise Clericum, & familiarem Nostrum latorem præsentium, de cujus fidelitate confidimus, ad vos propter hoc specialiter duximus destinandum; Devotioni vestræ per Apostolica scripta mandantes, quatenus Arcam, & res easdem dicto Andreæ Nostro nomine sic liberaliter sine diminutione quâlibet assignetis ad Nos juxta Nostrum beneplacitum deferenda; quòd exinde possitis tamquam devotionis filii meritò commendari.
Datum Romæ apud Sanctum Petrum, Kalendis Januarii, Pontificatus Nostri Anno Primo.
-
Bullarium Franciscanum romanorum pontificum, tomus III, n°V., pp.284-285
-
(a) Custodi: Erat enim Sacer Conventus Assisiat. caput Custodiæ sui nominis, ibique morabatur plerumque Præfectus dictæ Custodiæ.
-
(b) Guardiano: Qui & ipse privilegio Apostolico Custodis titulo decoratur, ut visum est in 1. hujus Operis tomo; hic autem ad alterius Custodis discrimen Guardianus loci Præfectus appellatur.
-
(c) Habentes: Extiterat namque Ordinis nostri Protector.
-
(d) Constantinum: Ex hac una epistola notum.
-
(e) De Nivernis: Vulgo Nevers civitate Galliæ Lugdunen. Ducatus nunc titulo insignita, & Episcopali sub Senonen. Metropolitano.