Général
-
Clément IV (1265-1268)
-
Ut bona quæcunque temporalia venientium ad Ordinem, & Professarum exigere, & retinere valeant, ac si essent in seculo. (Ex Autographo Monasterii Clarissarum Ravennaten.)
-
Anno 1268. die 1. Junii.
-
1268
-
CLEMENS &c.
Dilectis in Christo Filiabus Abbatissæ, & Conventui Monialium inclusarum Monasterii Sancti Francisci Ravennaten.a ad Romanam Ecclesiam nullo medio pertinentis Ordinis Sanctæ Claræ Sal., & Apostol. Bened.
Devotionis vestræ præcibus inclinati præsentium vobis auctoritate concedimus; ut possessiones, & alia bona mobilia, & immobilia, quæ liberas personas Sororum vestrarum Mundi vanitate relicta ad vestrum Monasterium convolantium, & professionem facientium in eodem, jure successionis, vel alio justo titulo, si remanissent in seculo, contigissent; & ipsæ potuissent aliis libere erogare, feudalibus dumtaxat exceptis; valeatis petere, recipere, ac etiam retinere sine juris præjudicio alieni. Nulli ergo omnino hominum liceat hanc paginam Nostræ concessionis infringere; vel ei ausu &c.
Datum Viterbii Kalendis Junii, Pontificatus Nostri Anno Quarto.
-
Bullarium Franciscanum romanorum pontificum, tomus III, n°CLXVIII., pp.-158
-
(a) Monasterii S. Francisci Ravennat.: Quod fertur excitatum anno 1250., de quo jam actum est ad aliam hujus Pontificis Bullam Cum a nobis petitur &c. anno 1266. die 17. Martii editam, & superius positam fol. 74.