Général
-
Clément IV (1265-1268)
-
Instituit Syndicos, & Procuratores Fratrum Ordin. Minorum Provinciæ Mediolanensis cum ampla facultate non sine tamen eorundem Fratrum obtento consilio. (Ex Apographo in Archivo nostri Cœnobii Bergomensis extante.)
-
Anno 1268. die 9. Aprilis.
-
1268
-
CLEMENS &c.
Dilectis Filiis Fratri Petro Bellono de Ordine Pœnitentiuma Mediolanen., & Johanni de Vassallis Vercellen. civibus Salutem, & Apost. Bened.
Cum dilecti Filii Fratres Minores ex professionis suæ voto adeo se voluntariæ paupertati submiserint; ut nec divisim, nec communiter aliquid proprii valeant obtinere &c.b Nos de fidâ vestrâ circumspectionis solicitudine plenam fiduciam obtinentes vos & quemlibet vestrum in solidum, ita quod non sit melior occupantis conditio, in omnibus bonis mobilibus & immobilibus, ac se se moventibus eidem Ecclesiæ Romanæ dilectorum Filiorum Ministri, & Fratrum administrationis Mediolanensis Provinciæ contemplatione collatis, & in posterum conferendis, & in omnibus, quæ ipsi Romanæ Ecclesiæ ipsorum intuitu provenerunt, & provenient in futurum; Procuratores, negotiatores, gestores, syndicos constituimus &c.c
Datum Viterbii v. Idus Aprilis, Pontificatus Nostri Anno Quartod.
-
Bullarium Franciscanum romanorum pontificum, tomus III, n°CLXI., pp.153-154
-
(a) De Ordine Pœnitentium: Nimirum Tertii Ordinis S. P. Francisci jam a pluribus annis toti Italiæ diffusi.
-
(b) Obtinere &c.: Videatur similis Constitutio pro Syndicis Provinciæ S. Francisci anno 1265. die 25. Julii, ut supra fol. 24.; vel altera hoc anno 1268. die 16. Aprilis pro illis Provinciæ Alemaniæ infra fol. 154.
-
(c) Constituimus &c.: Ut in cit. Constitutione pro Syndicis Prov. S. Francisci.
-
(d) Apographum istud recognitum fuit anno 1280. die 3. Februarii a Galasino de Zucmannis Notariorum Bergomen. quinto cum Azuello Azuelli, Uberto Manfredi, Curlando Durenti, & Jo: Rogerii Madonen. ex actis Friderici Azuelli Notariorum primi, jussu Guiscardi de Suardis Episcopi Bergomensium, quo dicitur, eodem anno 1280. die 20. Martii prædictos Syndicos alios pro Cœnobio Bergamensi Syndicos substituisse juxta facultatem illis concessam.