Général
-
Urbain IV (1261-1264)
-
In eumdem modum infrascripto injungit, ut Conventum Damianitarum Placent. compellat Abbati, & Monasterio S. Sixti reddere Alexandri IV. litteras, confirmationem, ac processum pro dicto Monasterio editum. (Ex Reges. præd. ep. 97. to. 1. an. 1.)
-
Anno 1262. die 18. Aprilis.
-
1262
-
URBANUS &c.
Dilecto filio ‥ Abbati Monasterii S. Savini Placentin.a Sal., & Ap. Ben.
Petitio dilectorum filiorum ‥ Abbatis, & Conventus S. Sixti Placentin.b ad Romanam Ecclesiam nullo medio pertinentis Ordinis S. Benedicti nobis exhibita continebat, quod suggesto &c.c Verum prædicti Abbas, & Conventus dubitantes, ne occasione hujusmodi litterarum prædecessoris ipsius, & processuum per eas habitorum, & confirmationis prædictæ possit eis in posterum quæstionis materia suscitari; super hoc adhiberi per Nos salubre remedium postularunt. Volentes igitur paci, & tranquillitati prædictorum Abbatis, & Conventus super hoc paterna sollicitudine providere; discretioni tuæ mandamus, quatenus prædictas Abbatissam, & Conventum, quod litteras, confirmationem, & processus prædictos eisdem Abbati, & Conventui, sublato cujuslibet dilationis, & difficultatis obstaculo exhibeantd, monitione præmissa per censuram Ecclesiasticam appellatione remota compellas; non obstante, si eis a Sede Apostolica sit indultum, quod interdici, suspendi, vel excommunicari non possint per litteras Apostolicas, quæ de Indulto hujusmodi plenam, & expressam non fecerint mentionem; sive qualibet alia indulgentia Sedis ejusdem, de qua, cujusque tenore oporteat in nostris litteris plenam, & expressam mentionem fieri, & per quam effectus præsentium impediri valeat, vel differri.
Datum, ut supra.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°XXVI., p.440
-
(a) Monasterii S. Savini Placent.: In Italia, de cujus incerta fundatione agit Cl. Mabillonius lib. 21. Annal. Bened. ad annum 737. num. 41 ‥ sed certiorem exhibet lib. 41. ad ann. 903. num. 23., ubi & monet nunc Romano Anglorum Collegio unitum inveniri.
-
(b) Monasterii S. Sixti Placent.: De quo in superiori epistola.
-
(c) Suggesto &c.: Ut in præcedenti diplomate usque ad illa & Conventui memoratis: mutatis tamen convenienter mutandis.
-
(d) Exhibeant: Quod tamen minime executioni tunc mandatum fuit, sed diu locum illum Sanctimoniales retinuerunt.