« bullarium-franciscanum-1280 »

ALEXANDER &c.

Venerabili Fratri .... Episcopo Malten.a , & dilectis filiis ‥ Fossæ novæb , & ... Sancti Georgii de Graterac Cistercien., & ‥ Sancti Augustini Ordinum Abbatibus Terracinen., & Cephaluden.d Diœcesum Salutem, & Apost. Benedictionem.

Divulgatæ famæ præconium, & publica notitia manifestant, quod dilectus Filius Johannes dictus Saccus Canonicus Panormitanuse dudum causam Ecclesiæ causam suam reputans, & intendens sollicite juribus Ecclesiæ Matris suæ; sicut orthodoxum decet filium, & devotum; pro defensione libertatis Ecclesiasticæ in partibus pluribus, contra quondam Fredericum olim Romanorum Imperatorem impium exterminatorem ipsius constantia perstitit indefessa, ita quod nihil ad experimentum, ad meritorum cumulum, seu augmentum fieri potuit præmiorum, quod ejus non impleverit promptitudo; propter quod idem Fridericus, Natif, Officiales, & Fautores eorum in personam ipsius Johannis, ac suorum iniquitatis sævitia excandentes, eumque tormentis & diri carceris squallore macerantes universa bona ejus tam Ecclesiastica, quam mundana confiscarunt, & aliis concesserunt; ac Matrem, & nonnullos alios de suis consanguineis propter hoc ultimo supplicio condemnarunt. Hujusmodi quidem meritorum obtentu Johannes ipse dudum a fel. record. Innocentio Papa g prædecessore nostro, & a nobish postmodum ad instar illius diversas litteras, dispensationes, confirmationes, indulgentias, & revocatorias innovatas sibi ad diversos executores, conservatores, monitores, & judices, nec non ad dilectum filium fratrem Rufinumi Cappellanum, & Pœnitentiarium nostrum, tunc dilecti Filii nostri O.j Sanctæ Mariæ in Vialata Diaconi Cardinalis in partibus illis Apostolicæ Sedis Legati Vicarium in Sicilia, & Calabriak super diversis gratiis, dispensationibus, confirmationibus, executionibus, monitionibus, revocationibus, & aliis rationibus suis, & juribus tam Ecclesiasticis, quam mundanis etiam impetravit. Sed eis plene uti non potuit, temporis malitia faciente; & interim nonnulli de judicibus, conservatoribus, & aliis prædictis naturæ solventibus debitum; ac dicto Cappellano de illis partibus recedentel. Nos igitur ipsius Johannis supplicationibus inclinati mandamus, quatenus inspectis præmissis Apostolicis indulgentiis, & rescriptis, ipsius Johannis negotia hujusmodi per vos, & per alios, aut alium exequi studeatis juxta continentiam earumdem; Contradictores per censuram Ecclesiasticam, appellatione postposita, compescendo: non obstantibus lapsu temporis, renuntiationibus, confirmationibus, indulgentiis, collationibus, seu litteris sub forma quacumque a Sede Apostolica, vel Legatis ipsius in ejusdem Johannis præjudicium a quocumque postmodum impetratis, vel etiam impetrandis; aut si idem Johannes alias beneficiatusm existens curam habeat animarum; seu constitutionem de duabus dietis edita in Concilio Generalin; Invocato ad hoc, si necesse fuerit, auxilio brachii sæcularis. Nos enim irritum decernimus & inane, quidquid in dicti Johannis præjudicium contra gratias sibi ab Apostolica Sede factas præsumptum est, vel præsumi contigerit in futurum. Quod si non omnes iis exequendis interesse potueritis, duo vestrum ea nihilominus exequantur.

Datum Laterani Idibus Martii, Pontificatus Nostri Anno Tertio.