Général
-
Alexandre IV (1254-1261)
-
Etsi Lubecen. Episcopus Diœcesim Latinorum Ruthenorum ob Regionis vastitatem, Dominorumque perfidiam visitare nequeat, id citra præjudicium ejus jurisdictionis sit, indulget. (Ex Archivo Vatic. epist. 111. ann. 3.)
-
Anno 1257. die 11. Februarii.
-
1257
-
ALEXANDER &c.
Ex parte tua fuit Nobis humiliter supplicatum, ut cum Lubucen. Episcopi Prædecessores tuic, qui fuere pro tempore, in possessione spiritualis jurisdictionis super omnes Latinos existentes in Rusciad, & aliorum Legem colentium eorumdem fuerint a tempore, cujus memoria non existit; & tu etiam in possessione adhuc existas eadem, ac propter magnam diffusionem Terræe, ac perfidiam Dominorum ipsiusf, necnon malitiam habitantium in eadem non possis commode prædictam Diocesim visitare, providere in hac parte tibi, & Ecclesiæ tuæ, ne ex hoc jus ipsius Ecclesiæ deperire contingat, Apostolica diligentia curaremus. Nos igitur tuis supplicationibus inclinati tibi, & eidem Ecclesiæ, ut nullum hac occasione vobis imposterum super ipsa jurisdictione præjudicium generetur, auctoritate præsentium indulgemus. Nulli ergo omnino hominum &c. nostræ concessionis infringere, vel ei &c. Si quis &c.
Datum Laterani iii. Idus Februarii, Pontificatus Nostri Anno Tertio.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXCIII., p.194
-
(a) Ven. Fratri...: Joanni Diesten. ex Ordine Minor., de quo fuse in primo hujus Operis tomo actum est.
-
(b) Episcopo Lubucen.: Alias & melius Lubecen. anno 1254. mense Martio promoto.
-
(c) Prædecessores tui: Qui quam plures fuerunt, ex Aldeburgo enim Holsatiæ Civitate translatus est Episcopalis Sedes circa medium seculum xii. Lubecam inde 7. milliar. germanicis distantem, Aldeburgi vero Cathedra Episcopalis constituta est seculo x.
-
(d) In Ruscia: Quæ & varia est, & in Fide Christiana mire variatum ab ea; ut referunt Annales Ecclesiastici, eorumque illustratores: hinc quum Gregorius XI. anno 1375. erexit Halicien. Ecclesiam in Metropolim Rusciæ nigræ cum tribus Episcopatibus Premislien., Chelmen., & Wladimirien. ejusdem Regionis institutis, eique subjectis; Episcopus Lubecen. conquestus est asserens Ecclesias illas esse Paræcias suæ diœcesis apud Raynaldum ad eum ann. n. 28.
-
(e) Magnam diffusionem terræ: Dividitur enim in nigram sub Polonis extantem, & albam, quæ modo Moscovia nuncupatur: hæc autem quam vasta sit, atque diffusa, nemo nisi omnis Historiæ expers ignorat: etsi alii aliter Russiam dividant in Albam, Nigram, Rubram, & propriam, parvamve, in qua Leopolis.
-
(f) Perfidiam dominorum ipsius: Cum enim Daniel Ruthenorum Dux anno 1246. a Rom. Pontifice Innoc. IV. coronam, titulumque Regium extorsisset Fidem Catholicam simulando, paulopost ad schisma reversum eum Alexander perstrinxit conatus revocare ad veram pietatem, sed frustra, litteris hoc anno idibus Febr. datis, & a Raynaldo n. 26. publicatis, apud quem & plura alia perfidiæ monumenta illius gentis legimus.