« bullarium-franciscanum-1219 »

ALEXANDER &c.

Venerabilibus Fratribusa ... Bisinianen.b , & ‥c Strongolen.d Episcopis, & dilecto Filio Leoni Canonico Rossanen.e Salutem, & Apostol. Benedict.

Oblata Nobis ex parte dilectorum filiorum Abbatis, & Conventus Monasterii Fontis Laureatif Floren. Ordinis, Tropen. Diœcesisg petitio continebat, quod fel. recordat. Gregorius Papa h prædecessor noster intellecto, quod Monasterium Sancti Angeli de Militin.i tunc Ordinis Sancti Basilii Rossan. Diœcesis adeo erat in spiritualibus, & temporalibus deformatum, quod vix aliqua religionis vestigia remanserat in eodem; bonæ memoriæ ‥j Bisinianen. Episcopo prædecessori tuo, Frater Episcope Bisinianen., ejusque Collegæ suis dedit litteris in mandatis, ut ad Monasterium ipsum personaliter accedentes illud infra certum tempus juxta ejusdem Ordinis Sancti Basilii regulares observantias, si posset fieri, reformarent: Alioquin ipsum præfato ‥ Abbati Monasterii Fontis Laureati committerent de Floren. Ordine reformandum, Diœcesani Locik in omnibus jure salvo. Qui juxta mandatum Apostolicum personaliter accedentes ad locum, & ibidem visitationis officium impendentes, cum Monasterium ipsum in Ordine suo reformare non possent, illud ‥ Abbati prædicto reformandum de Floren. Ordine commiserunt; quod etiam Fratres, qui ibidem remanserant, acceptantes ipsi Abbati professionem fecerunt, promittendo de cætero Floren. Ordinem in omnibus observarel. Sed postmodum non solum Officiales quondam Friderici olim Romanorum Imperatoris eosdem Fratres illo Monasterio, quod aliquandiu pacifice possederunt, contra justitiam spoliarunt; verum etiam idem Fridericusm majorem partem possessionum Monasterii Fontis Laureati pro suæ voluntatis arbitrio in suum dominium revocavit; propter quod defectum in temporalibus non modicum ipsi Fratres sustinent. Nos itaque eorum supplicationibus inclinati, quod super iis ab eisdem Episcopon, & Collega provide factum est, ratum habentes, & gratum, illud auctoritate Apostolica confirmamus, & præsentis scripti patrocinio communimus, revocantes omnino, quæ in præmissis in prædictorum Fratrum præjudicium sunt præsumpta; & mandamus dictum Monasterium Sancti Angeli debere ipsis restituio, eorumque dispositioni committi, & tamdiu detineri ad manus eorum, quousque ipsius, & bonorum ejus plena possessione habita ab eis de dicto Floren. Ordinep valeat commode reformari. Quo circa discretioni vestræ per Apostolica scripta mandamus, quatenus dictos Abbatem, & Conventumq, vel eorum Procuratorem ipsorum nomine in corporalem possessionem præfati Monasterii Sancti Angeli secundum hujusmodi confirmationis, revocationis, & præcepti nostri tenorem per vos, vel per alios auctoritate nostra reducatis, & reductos defendatis; amoto ab eo quolibet illicito detentore: contradictores per censuram Ecclesiasticam appellatione postposita compescendo. Quod si non omnes iis exequendis interesse potueritis, duo vestrum ea nihilominus exequantur.

Datum Anagniæ Kalendis Novembris, Pontificatus Nostri Anno Secundo.