Général
-
Alexandre IV (1254-1261)
-
Ut de male acquisitis, ac incertæ restitutionis, legatisque indistinctis, nec non votorum redemptionibus usque ad 200. libras Imperialium recipere valeant. (Ex Autographo in Archivo Conventus S. Firmi Majoris Veronen.)
-
Anno 1256. die 17. Augusti.
-
1256
-
ALEXANDER &c.
Dilectis Filiis ‥ Ministro, & Fratribus Ordinis Minorum Veronen.a Salutem, & Apostol. Bened.
Vestræ meritis Religionis inducimur, ut vos prosequamur gratia, quæ vestris dignoscitur necessitatibus opportuna. Hinc est, quod Nos paupertati vestræ, quam propter Deum voluntarie sustinetis, paterno compatientes affectu, ut de usuris, rapinis, & aliis male acquisitis; dummodo hii, quibus ipsorum restitutio fieri debeat, nequeant inveniri; nec non de quibuslibet Legatis indistincte in pios usus relictis, ac redemptionibus votorum Diœcesanorum auctoritate prius factis, Jerosolymitano dumtaxat excepto, dummodo executorum Testamentorum ad hoc accedat assensus, usque ad ducentas libras Imperialiumb recipere valeatis; si alias pro similium receptione non estis a Nobis gratiam consecuti; vobis auctoritate præsentium concedimus facultatem; ita quod si aliquid de ipsis ducentis libris dimiseritis, vel restitueritis, aut dederitis illis, a quibus eas receperitis, hujusmodi dimissum, vel restitutum, seu datum, nihil ad liberationem eorum possit; sed id solum, quod vobis exinde remanebit. Nulli ergo omnino hominum liceat hanc paginam nostræ concessionis infringere, vel ei ausu &c.
Datum Anagniæ xvi. Kal. Septembris, Pontificatus Nostri Anno Secundo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXXX., p.154
-
(a) Ordinis Minorum Veronen.: De quibus & in supra relata Bulla: Cum ad promerenda &c. hoc anno die 6. Julii edita dictum est.
-
(b) 200. libras Imperialium: Pro quibus videri poterit Constitutio Innocentii IV. Ad extirpanda &c. anno 1254. die 20. Maji superius evulgata in to. 1. hujus Bullarii p. 727. (a) (h)