Général
-
Alexandre IV (1254-1261)
-
De injuncta pœnitentia Sacramen. 40. d. relaxat visitantibus singulis annis diebus quibusdam Ecclesiam S. Francisci Urbis veteris. (Ex Autographo nostri Conventus ejusdem Civitatis.)
-
Anno 1256. die 18. Julii.
-
1256
-
ALEXANDER &c.
Dilectis filiis ... Ministro, & Fratribus Ordinis Fratrum Minorum Urbevetan.a Salutem, & Apostolicam Benedictionem.
Cum ad promerenda sempiterna gaudia &c.b Cupientes igitur, ut Ecclesia vestra in Festivitatibus Beatorum Francisci, & Antonii Confessorum, quæ in ipsa Ecclesia sunt præcipuæ ac solemnes, congruis honoribus frequentetur; omnibus vere pœnitentibus, & confessis, qui Ecclesiam ipsam annis singulis in eisdem Festivitatibus, ac in Anniversario die Dedicationis ejus Ecclesiæ, & usque ad octo dies sequentes devote, ac venerabiliter visitaverint, de Omnipotentis Dei misericordia, ac Beatorum Petri, & Pauli Apostolorum ejus auctoritate confisi quadraginta dies de injuncta sibi pœnitentia misericorditer relaxamus.
Datum Anagniæ xv. Kalendas Augusti, Pontificatus Nostri Anno Secundo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXX., pp.148-149
-
(a) Ordinis Fratrum Minorum Urbevetan.: De cujus loci origine legi potest Bonaventura Theulus in Theatro Minor. lib. 3. cap. 1., & nos de eodem diximus ad Gregorii IX. Bullam: Quoniam ut ait &c. anno 1240. die 17. Martii editam.
-
(b) Sempiterna gaudia &c.: Ut in Bulla anno 1255. die 27. Julii emissa.