Général
-
Alexandre IV (1254-1261)
-
Ne a quoquam Judice delegato, vel ordinario compellantur Fratres in causis coram ipsis nisi speciali Sedis Apostolicæ mandato. (Ex Autographo Assisiati Archivi Sac. Conventus S. Francisci.)
-
Anno 1256. die 11. Julii.
-
1256
-
ALEXANDER &c.
Dilectis filiis ‥ Ministroa , & Fratribus Ordinis Minorum Salutem, & Apostolicam Bened.
Cum non deceat vos implicari negotiisb, quæ cum Mundo fugientes facti voluntarie pauperes nudi sequimini nudum Christum; devotionis vestræ precibus inclinati auctoritate præsentium inhibemus, ne quis delegatus Judex, vel Ordinarius in Causis, quæ coram ipsis pertractantur, vos compellere sine speciali mandato Apostolicæ Sedis audeat, ut sive in Citationibus personalibus, sive in aliis causas contingentibus faciatis, quod vobis super iis duxerint injungendumc.
Datum, ut supra.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXVII., pp.146-147
-
(a) Ministro: Nempe Generali, qui erat S. Bonaventura aliquot ante mensibus hoc anno assumptus juxta Waddingum; sed v. not. (a) ad Bullam: Sacræ Religionis &c. hoc anno 15. Maji editam, ut sup. p. 131.
-
(b) Negotiis: Ex Paulo Apostolo 2. ad Timoth. 2. 4. nemo militans Deo implicat se negotiis secularibus.
-
(c) Iniungendum: Idem privilegium primo contulerat Gregorius IX. anno 1227. die 26. Julii cum Clausula prohibente: Nulli ergo omnino hominum liceat &c. ut in primo tomo p. 31.
Informations
Acte
bullarium-franciscanum
admin
(IRHT), dans
Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 153100 (bullarium-franciscanum-1187), http://telma.irht.cnrs.fr/chartes/bullarium-franciscanum/notice/153100 (mise à jour : 26/01/2021).