Général
-
Alexandre IV (1254-1261)
-
Ne teneantur quidquam exhibere Curiæ secularium in causis, quas movent, vel quæ contra eas moventur in utroque foro. (Ex Regesto Vatic. epist. 766., & Waddingo in Reges. Pontif. num. 43.)
-
Anno 1255. die 11. Decembris.
-
1255
-
ALEXANDER &c.
Eisdem.
Viam, qua sub multæ paupertatis inopia ad Creatorem vestrum per obsequia continuæ devotionis accedere elegistis, volentes vobis reddi ab omnibus exactionibus liberam, & a quibusdam præpeditionibus expeditam, devotionis vestræ supplicationibus inclinati, quod in causis, quas contra vos, vel Monasterium vestrum moveri, seu vos contra quosvis movere contigerit, in Foro Ecclesiastico, vel etiam seculari aliquod non teneamini Curiæ secularium exhibere; nec ad id compelli possitis auctoritate vobis præsentium indulgemus. Nulli ergo omnino hominum liceat hanc paginam nostræ concessionis infringere, vel ei ausu temerario contraire. Si quis &c.
Datum Laterani iii. Idus Decembris, Pontificatus Nostri Anno Primo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CXXXVIII., p.96
Informations
Acte
bullarium-franciscanum
admin
(IRHT), dans
Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 153021 (bullarium-franciscanum-1108), http://telma.irht.cnrs.fr/chartes/bullarium-franciscanum/notice/153021 (mise à jour : 26/01/2021).