Général
-
Alexandre IV (1254-1261)
-
Mandat, ut Fratribus Ord. Minor. Anagninis permittant ligna sicca perpetuo sibi cædere in nemoribus Communitatis dictæ Civitatis. (Ex Autographo in Archivo Cœnobii S. Angeli ejusdem Ordinis, & Civitatis, teste etiam Theulo in Appar. Minor. lib. 5. cap. 1.)
-
Anno 1255. die 4. Novembr.
-
1255
-
ALEXANDER &c.
Dilectis filiis Rectoribus, & Consilio Anagnin.a Salutem, & Apostolicam Benedictionem.
Paupertati dilectorum filiorum Fratrum Minorum de Anagniab volentes paterna diligentia providere Universitatem vestram monemus, rogamus, & hortamur attente per Apostolica vobis scripta mandantes, quatenus ob reverentiam Apostolicæ Sedis, & nostram usum lignorum siccorumc in nemoribus Communitatisd Civitatis vestræ ad perpetuum opus eorum concedatis eisdem: non obstante contrario Civitatis prædictæ statutoe juramento confirmatione Apostolica, seu quocumque munimine roborato, a quo vos duximus auctoritate præsentium absolvendos.
Datum Anagniæ ii. Nonas Novembris, Pontificatus nostri Anno Primo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CXXII., pp.88-89
-
(a) Anagnin.: Olim in Latio Hernicorum capitis nunc in Campania Romana sub utroque Romani Pontificis dominio civitatis in colle positæ inter Signiam ad occasum, & Ferentinum ad ortum 5. mill. pas. distans, & totidem Palianum in cæciam; patriæ plurium Roman. Pontificum, quorum & Alexander iste fuit.
-
(b) Fratrum Minorum de Anagnia: Quorum primus, & antiquior locus a S. P. Francisco, vel eo vivente (ut volunt) acceptus extra Civitatem portamque Romanam al. S. Francisci ad mille pass. versus occasum in Colle Portuum al. de Porti nuncupatus fuit, nunc colle di S. Francesco vulgo, ubi decessit ex hac vita Fr. Aymo Anglus Minister Generalis anno 1244. & anno 1296. habita sunt Comitia Gen. præsidente Bonifacio viii., in quibus electus fuit Minister Generalis Fr. Joannes a Muro Vallis Picenus postea S. R. E. Cardinalis: Deinde alium locum S. Blasii a Clarissis Fratres obtinuerunt anno 1290. a Nicolao IV. confirmatum diplomate Cum a nobis petitur &c. pridie nonas Augusti, non tamen habitatum, ut infra suo loco.
-
(c) Lignorum siccorum: Non quorumcunque, sed talium.
-
(d) Nemoribus Communitatis: Neque cujusvis loci, aut personæ, sed determinatorum.
-
(e) Statuto: Ut in antiquis dictæ Civitatis Capitularibus.
Informations
Acte
bullarium-franciscanum
admin
(IRHT), dans
Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 153005 (bullarium-franciscanum-1092), http://telma.irht.cnrs.fr/chartes/bullarium-franciscanum/notice/153005 (mise à jour : 26/01/2021).