Général
-
Alexandre IV (1254-1261)
-
Ut proventus Burglanen. Episcopatus in absentia Electi Burglanen. colligantur, & Conventui Atrebatensi Ord. FF. Minorum tradantur custodiendi ad nutum dicti Electi. (Ex Vatic. Tabulario in Reges. Pontif. epist. 365. an. 1.)
-
Anno 1255. die 17. Martii.
-
1255
-
ALEXANDER &c.
Venerabilibus Fratribus ... Rupen.a , & R. quondam Burglanen.b de Ordine Minorum Episcopisc Salutem, & Apostolicam Benedictionem.
Ad instar fel. record. Innocentii Papæ d Prædecessoris nostri præsentium vobis auctoritate mandamus, quatenus universos redditus, & proventus Burglanen. Episcopatus in expensis Episcopatus ejusdem, quamdiu hac vice dilectus Filius Elanus Burglanen. Electuse veniendo ad Curiamf, morando in ea, & redeundo ab ipsa absens fuerit, fideliter colligi facientes, ipsos dilectis filiis Guardiano, & Conventui Fratrum Minorum Attrebaten.g sine diminutione qualibet assignetis per eosdem Fratres fideliter conservandos usque ad suæ beneplacitum voluntatish; Contradictores per censuram Ecclesiasticam appellatione postposita compescendo; non obstante, si aliquibus de partibus illis a Sede Apostolica sit indultum, quod interdici, suspendi, vel excommunicari non possint per litteras Apostolicas non facientes plenam, & expressam, ac de verbo ad verbum de indulto hujusmodi mentionem. Quod si non ambo iis exequendis interesse potueritis, alter vestrum ea nihilominus exequatur.
Datum Neapoli xvi. Kalendas Aprilis Pontificatus Nostri Anno Primoi.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°XXXI., pp.24-26
-
(a) Rupen.: Al. Ripen. vulgo Ripen. in Daniæ Regno, ac Cimbrica Chersoneso Meridionali nunc Jutia vulgo Jutland civitas sub Archiepiscopo Lundensi; ibi enim Fratres O.M. anno 1232. locum obtinuerunt ex Chronico Sleivicen. a Menchenio tom. 3. Rer. German. Script. publicato, eratque caput Custodiæ sui nominis.
-
(b) Burglanen.: A Burglo al. Borchlo urbe Daniæ in cit. Jutia Septentrionali, nunc vulgo Vensylle olim Vendela, & Vandalia; cujus Episcopalis Sedes anno 1536. a Lutherano Antistite Alburgum sub Archiepiscopo Lundensi translata est, teste Martinerio in magno Diction. Geograph. tom. 2. est autem Alburgum anagrammatice Burglaum.
-
(c) De Ordine Minorum Episcopis: Qui Annalistæ Minoritico Waddingo prorsus ignoti fuerunt; sed nec ex Vaticanis Pontif. Regestis haberi potuit, quandonam assumpti, & quando R. Burglanen. abjerit dignitate, cum dicatur quondam Burglanen., & forsan datus fuit successor Fr. Joanni Dano ex Ord. Prædicat. assumto, ut est apud Echard. tom. 1. Scriptorum illius Ordinis in Ind. Episcop. p. 25. col. 2., & inde in tom. 1. Bullarii ejusdem Ordinis pag. 17.
-
(d) Innocentii Papæ: Nimirum Quarti, cujus de hac re mandatum atque epistola nobis non innotuit.
-
(e) Burglanen. Electus: Et quidem sub Innocentio IV. paulo ante ejus obitum, ut ex præmissis verbis elicitur; nempe anno 1252., quo Raynaldus refert num. 19. hunc Elanum Præpositum Abelis Daniæ tyranni potentia fretum dissentientibus Canonicis Burglaven. sedem occupasse (non Bulgaven.), & ob id Innocentium IV. litteris xiii. Kal. Januar. Pontif. anno x. Perusii datis Wiburgen. Episcopo mandasse, ut ab ea Ecclesia deturbari, & alium juste eligi, ac subrogari operam daret. Abel autem occisus est an. 1252. die ultima Junii.
-
(f) Ad Curiam: Romanam, seu Pontificiam tunc Neapoli commorantem.
-
(g) Attrebaten.: Vulgo Arras in Belgio caput Provinciæ Artesiæ, & Episcopatus olim sub Remen., nunc sub Cameracen. Archiepiscopo; ubi ab initio Minoritæ locum obtinuerant, ut legimus apud Waddingum ann. 1223. n. 29., eratque caput Custodiæ sui nominis in Provincia Franciæ.
-
(h) Ad suæ beneplacitum voluntatis: Hinc videtur Elanus Burglanen. Electus fuisse patria Atrebatensis, vel illius Diœcesis; & causam suam fortiter defendisse contra æmulos, qui eum traduxerant apud Pontificem.
-
(i) Anno 1263. ab Urbano IV. jussus est Episcopus Ripen. consecrare Electum Revalien. ex Regesto Pontif. in Archivo Vatic. tom. 3. anno 3. die xv. Kal. Octobr., an ad hunc Antistitem data sit jussio illa, vel ad ejus successorem, nondum inveni.