Général
-
Innocent IV (1243-1254)
-
Statutum Archiepiscopi Rothomagen. de nonnullis libris Turon. ab illius Prædecessore Rothomagen. Ecclesiæ donatis confirmat. (
Regest. Vatic.epist. 547. anno 11.) -
Anno 1254. die 26. Martii.
-
1254
-
INNOCENTIUS &c.
Constitutus in nostra præsentia retulisti, quod cum bonæ memoriæ S.c Archiepiscopus Rothomagensis Prædecessor tuus proventus molendinorum de Dei villa Rothomagensis Diœcesis ad Mensam Archiepiscopalem spectantium per industriam suam in annuo redditu viginti quatuor librarum Turonen.d augmentasset; tandem hujusmodi augmentatum redditum Ecclesiæ Rothomagensi pia, & provida liberalitate donavit; quod tu deliberatione provida postmodum acceptasti statuens, quod decem, & octo libræ ipsius redditus pro dicti Prædecessoris, reliquæ verò sex pro tuo anniversario, postquam de hac luce transiverise, deputentur convertendæ in distributiones Canonicorum Ecclesiæ memoratæ; maximè cum id eisdem Canonicis sit acceptum. Nos itaque tuis supplicationibus inclinati, quod super iis pie, ac provide factum est, ratum, & firmum habentes id auctoritate Apostolica confirmamus, & præsentis Scripti patrocinio communimus. Non obstante juramento, quod dictus Prædecessor, & tu de non alienandis bonis ad Mensam Archiepiscopalem spectantibus præstitistis. Nulli ergo omnino hominum liceat hanc paginam nostræ confirmationis infringere, vel ei ausu temerario contraire. Si quis autem &c.
Datum Laterani vii. Kalend. Aprilis Pontificatus Nostri Anno Undecimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°DXXXIV., pp.715-716
-
(a) Ven. Fratri: Odoni Rigaldo O.M., qui ex hac epistola lucet eum hoc anno, & mense Romam venisse.
-
(b) Rothomagensi: Al. Rothomagen. Normanniæ Metropolitæ.
-
(c) Bon. mem. S.: Nemo hoc seculo, & longe antea sedit in Cathedra Rothomagen., cui nomen esset S., sed ante Odonem Rigaldi Franciscanum sedit alter Odo S. Dionysii Abbas, & ante illum
Petrusde Collemedio, ante quem fuitMauritiuspost Theobaldum: reponendum igitur puto P. loco S., nempe Petrum de Collemedio anno 1253. vita defunctum. -
(d) Librarum Turonen.: Quarum quælibet 20. solidis componebatur; solidum vero reddunt 12. denarii juxta Gallos; denarius demum 18.
siliquashabet; porro siliqua infima pars est, & ultima nummorum. -
(e) De hac luce transiveris: Quod contigit anno 1276. ex Waddingo, & Gallia Christana.