« bullarium-franciscanum-906 »

INNOCENTIUS &c.

Dilecto Filio Ottoni de Cusorn. Archidiacono in Ecclesia Ruthenensi a Salutem, & Apostolicam Benedictionem.

Ad faciendam dilecto Filio Petro de la Spinalla Subdiacono nostro Rectori Ecclesiæ de Vezolhac Ruthenen. Diœcesis consanguineo Venerabilis Fratris nostrib ‥ Episcopi Ruthenensis gratiam specialem ipsius probitatis merita, super quibus ei testimonium perhibetur laudabile, & dilecti Filii Ægydii Nepotisc, & Cappellani nostri precamina Nos inducunt. Quocirca mandamus, quatenus eidem Rectori, qui diu studens in jure civili profecisse dicitur laudabiliter in eodem, in aliqua Ecclesiarum Caturcen. Civitatisd, vel Diœcesis, de qua, ut asserit, oriundus existit, de Beneficio Ecclesiastico cum cura, vel sine cura ad cujuscumque collationem, seu præsentationem spectante, prout duxerit acceptandum; si quod ibidem vacat ad præsens, vel quam primum ad id obtulerit se facultas, auctoritate nostra per te, vel alium providere procures. Non obstantibus, si in Ecclesia, in qua sibi provisum fuerit, direxerimus Scripta nostra pro aliis, quibus auctoritate præsentium nolumus præjudicium generari; aut si est aliquibus ab Apostolica Sede indultum, quod ad receptionem, vel provisionem alicujus compelli, quodque interdici, suspendi, vel excommunicari non possint; & quod de Beneficiis ad collationem, vel præsentationem earum spectantibus nulli valeat provideri per litteras Apostolicas, quæ de indulto hujusmodi plenam, & expressam, ac de verbo ad verbum non fecerint mentionem, sive qualibet alia indulgentia cuicumque personæ, vel loco sub quacumque forma verborum ab eadem Sede concessa, de cujus toto tenore oporteat in nostris litteris mentionem fieri; & per quam effectus præsentium valeat impediri, vel differri; aut quod idem Rector alias Beneficiatus existat. Contradictores per Censuram Ecclesiasticam appellatione postposita compescendo.

Datum Laterani xv. Kalend. Aprilis Pontificatus nostri Anno Undecimo.