Général
-
Innocent IV (1243-1254)
-
Reformationem, seu restitutionem Monasterii Sancti Silvestri Montis Subasii Monachis Benedictinis ab Episcopo Spoletano factam confirmat. (Regest. Vatican. epist. 516. anno 11.)
-
Anno 1254. die 13. Martij.
-
1254
-
INNOCENTIUS &c.
Dilectis Filiis ‥ Abbati, & Conventui Monasterii S. Silvestri de Monte Subasio a Ordinis S. Benedicti Spoletan. Diœcesis Salutem, & Apostolicam Benedictionem.
Venerabilis Frater nosterb ‥ Spoletanus Episcopus Nobis significare curavit, quod cum olim felicis recordationis G.c Papa Prædecessor noster sibi, & quondam Magistro Joanni de Sancto Germano Cappellano suo visitationem vestri Monasterii commisisset;d iidem Episcopus, & Cappellanus ‥ Abbate, & Monachis, qui tunc erant ibi, a Monasterio ipso amotis, instituerunt in eo nonnullos Canonicos seculares, quasdam possessiones ipsius Monasterii Sororibus Monasterii Vallis Gloriæ de Spello Ordinis Sancti Damiani Spoletanæ Diœcesis auctoritate commissionis hujusmodi concedentese; & hæc quidem per eumdem Prædecessorem nostrum confirmata dicunturf: procedente verò tempore Canonicis ipsis sic in vestro Monasterio institutis, liberè, ac sponte resignantibus in manibus ipsius Episcopi, & tuis, Filii Abbas, jus, & Beneficium, quæ habebant in ipso; dictus Episcopus cupiens præfatum Monasterium in pristinum Religionis statum redire, ipsum ad multam instantiam Universitatis Castri de Spellog de vobis reformare curavith. Nos itaque piis vestris precibus inclinati, quæ ab eodem Episcopo in hac parte providè factum est, ratum habentes, & gratum, illud, salvis possessionibus concessis prædictis Sororibusi, auctoritate Apostolica confirmamus, & præsentis Scripti patrocinio communimus. Nulli ergo omnino hominum liceat hac paginam nostræ confirmationis infringere, vel ei ausu temerario contraire. Si quis &c.
Datum Laterani iii. Idus Martii Pontificatus Nostri Anno Undecimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°DXXVII., pp.709-710
-
(a) S. Silvestri de Monte Subasio: Prope Hispellum, de quo Monasterio consuli potest Constitutio 72. Gregorii IX. incip.
Ab Ecclesia S. Silvestri &c.anno 1232. edita die 27. Julii. -
(b) Ven. Frater noster …: Bartholomæus, de quo Ughellus tom. I. Ital. sac., & nos alias superius.
-
(c) Fel. recordat. G.: Nempe Gregorius IX.
-
(d) Commisisset: Litteræ visitationis hujus Monasterii non habentur.
-
(e) Concedentes: Quod factum est anno 1236. prid. Kalend. Septembris ex diplomate 43. hujus Pontificis Cum Ecclesiam S. Silvestri &c. anno 1244. die 18. Maji emisso; in quo tamen mentio Magistri Joannis de S. Germano Capellano Pontificis nulla legitur.
-
(f) Confirmata dicuntur: Ab hoc Pontifice quidem diplomate memorato Cum Ecclesiam S. Silvestri &c., sed illud Gregorii IX. non apparet; etsi Innocentius in cit. diplomate asserat, se
ad instar prædecessorissui confirmare. -
(g) De Spello: Latinis Hispello inter Assisium, & Fulginium sito huic tamen propinquiore, cujus in agro Monasterium S. Silvestri Montis subasii extabat.
-
(h) Curavit: Post annum 1252., ut erui videtur ex hujus Pontificis epistola Cum Ecclesiam &c. eo anno die 7. Januarii scripta. Hinc in Bulla 44. Alexandri IV.
Officii nostri cura &c.anno 1258. OrdiniCamaldulensidata, & in 3. tomo novi Bullarii Romani vulgata inter bona, quæ Pontifex illi Ordini confirmat, etiamMonasterium S. Silvestri de Monte Subasio in Episcopatu Spoletinorecensetur: & Monachi S. Silvestri Subasiani memorantur in alia ejusdem Alexandri epistola Fel. recordat. Gregorius &c. ann. 1261. die 9. Februarii scripta, ut infra suo loco. -
(i) Concessis prædictis Sororibus: Nempe S. Mariæ Vallis gloriæ, ut habet epistola Alexandri IV. Ex tenore &c. anno 1257. die 29. Januarii referenda.