« bullarium-franciscanum-819 »

Acte | bullarium-franciscanum/notice/152279
plus d'informations

Général

  •  
    Innocent IV (1243-1254)
  •  
    Relaxat de injuncta pœnitentia Sacrament. annum unum, & dies quadraginta iis, qui singulis annis visitaverint Altare Sancti Francisci a se consecratum Bononiæ in Ecclesia Fratrum Minorum. (Ex Authographo Archivi Conventus Sancti Francisci Bononien.)
  •  
    Anno 1252. die 26. Octobris.
  •  
    1252

  •  

    INNOCENTIUS &c.

    Dilectis Filiis Guardiano, & Fratribus Minoribus Bononiensibus a Salutem, & Apostolicam Benedictionem.

    Licet is, de cujus munere venit &c.b Hinc est, quod cum Nos in Ecclesia vestra Altare quoddam ad honorem Beati Francisci duxerimus dedicandumc; Nos ipsum digna visitari reverentia cupientes omnibus verè pœnitentibus, & confessis, qui ad eamdem Ecclesiam in die Dedicationis ejusdem Altaris, & per totam octavam ejusdem annuatim accesserint, unum annum, & quadraginta dies de injuncta sibi pœnitentia misericorditer relaxamus.

    Datum Perusii vii. Kal. Novembris Pontificatus Nostri Anno Decimod.
  •  
    Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CDXLIV., pp.-635
  •  
    (a) Bononien.: De quo Conventu actum est supra ad Bullam Gregorii IX. Spes grandior &c. dat. die 27. April. anno 1236.
  •  
    (b) Venit &c. Consulatur Bulla ejusdem Pontificis ccclxxxii. dat. die 18. Decembr. anno 1251. pro consecratione Altaris B. Virginis in eadem Ecclesia; & alia die 27. Junii anni 1248.
  •  
    (c) Dedicandum: Nempe anno 1251. die 15. Octobr. ex Bartholomæo de Puliola vetere scriptore Minorita in Chron. Bononien., qui tamen non Altare, sed Ecclesiam S. Francisci dedicasse scribit. Scribit etiam & verius, anno 1254. mense Augusto duas Ecclesiæ testudines corruisse non sine etiam Fratrum occisione; sed Prætoris religione expensis publicis damnum resarcitum fuisse.
  •  
    (d) Alias litteras Alexandri IV. pro Indulgentiis in hac sacra Æde lucrandis emisit anno 1255. die 17. Septembris, & insequenti anno dieb. 6. Julii, & 4. Martii, quæ suis dantur locis.

Informations

Acte
bullarium-franciscanum admin (IRHT), dans  Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 152279 (bullarium-franciscanum-819), http://telma.irht.cnrs.fr/chartes/bullarium-franciscanum/notice/152279 (mise à jour : 15/12/2020).
http://telma.irht.cnrs.fr/chartes/bullarium-franciscanum/notice/152279
bullarium-franciscanum/notice/152279
XML  JSON